اسمع ؛اسمع يالمضري

[ليلان الرشيدي]

اسمع اسمع يالمضري....

يالمضري طاري على البال طاري&&&شـــلّ البعير وحط مكانه عــقاب

حط العقــاب اللي يصيد الحـباري&&&مايلتفت في صيد ضبٍ على الباب

[هامة مضر]

يا مرحبا ليلان وين انت ساري -------- سريت مسراً ما حسبنا له حساب

ما به عقابٍ للمهمات ضاري ------ الا كحيلان النصرشامخ الناب

[r a y d]

وين راح ليلان ؟؟
ترانا مشتاقين لمثل هالمحاورات
عساه مايطول الغيبة

[ابو حمد]

تصبيره لين يجي ليلان,,

ليلان يسري والليالي طواري...... ليل يسري ذيب وليل صرع داب

وان كان ودك يا عشيري قهاوي..... رح لليمن فيها من البن اشياب

[ليلان الرشيدي]

انا سريت ومحتزم بالســـــواري&&&ولا همني حيه ولا همني داب

واكيد اعرف اللي تقوله وداري&&&هذاك لـطريته به عقول ترتاب

[هامة مضر]

هلا ليلان
اسمع
انشدك عن عود (ن) من الجوع هاري * دايم يطالبنا بلا حق واسباب

عود(ن) منول في المجزل اداري * يلعب مع اهل التنس من دون شرّاب

[ليلان الرشيدي]

مرحبا ..

وش هاللغز يالمضري..


عودك عسى ماهو براع الهذاري!؟&&&هذاك يبغى له على الراس مشعاب

حــطــوه في محــميـّة ام القـماري&&&عســاه يلقى له بهــا ربع واصحاب

[هامة مضر]

اسمع

يعد نفسه في الهلال استشاري * وحاله ضعيفه كنها عود شباب

يوم (ن) بنادي القرن بايع وشاري * ويوم (ن) على كحيلان بسيوف وحراب

[ليلان الرشيدي]

الله؛ الله

اسمع..

بكره يبي يصدر قرار ن وزاري&&&تسمع زعيقه بالسماء كنه اغراب

ادعو لمنهو في الخطية يماري&&&سبـــحانه التايــب على كل من تــاب

[ليلان الرشيدي]

بيض الله وجهك يالمضري.

وتغلق المحاورة لوجود شطحات...

[هامة مضر]

بيض الله وجهك يالمضري.

وتغلق المحاورة لوجود شطحات...

اسمع هالبيت وخلاص
اصله عن التشجيع ماهوب داري * لكن على ما قيل غروه الأقراب

يعطيه ابو رايد حلاو وسباري * وابو حمد يعطيه بسكوت والعاب

يعطيك العافيه ابو حامد

[r a y d]

الله الله
صح السنتكم ياشاعرنا
وانت يالهامه مافيك حيله ههههههههههههههههه

[ليلان الرشيدي]

اسمع هالبيتين وخلاص


مفروض تشجيعه يجي بالصحاري&&&اما بروس اضهار والا مع اشعاب


والا مع اللي يضربون البواري&&&بس انتبه له لا يشــــوفونه اجــناب


وحلفت ماتكمل.
مشكورين

[الوهبي]

الحمدالله أن خبولنا النصراويه كثرو وقامو يخذرفون بمحاوراتهم الحورنيه منهم من طرد من شاعر المليون لعدم وجود ثقافيه شعريه لديه ويحسب الشعر من قوم خلوها من شلة المضري وغيره والحمدالله أن العقل السليم في
الجسم السليم وهذا ينطبق على الرجال الي لديهم حكمه وعقل ورزانه
أما بعض خبول النصراويه أسأل الله لهم العافيه

[هامة مضر]

هلا بالربع
نشكر الجميع على ردودهم الراقيه
وكلماتهم واشادتهم بما قدمناه من جهد بسيط لتسليتهم وسعة صدورهم
ونعتبر كلماتهم وسام على صدورنا
الجميع لهم الشكر وكلماتهم تدل على رقي ذوقهم وسلامة افكارهم
نعم
فحسن المنطق دليل على سلامة العقل
نلتقي بكم ان شاء الله في محاورة اخرى