مساجله شعريه

[عزام الخريف]

هذه القصيده للشاعر ابراهيم اليحيا بن مريح

مني لعـزام الخريـف سلامـا
000000كساب قولة نعم لاحـل طاريـه
من لابتي هذا صحيـح الكلامـا
00000جدي وجده من تميمـن مناشيـه
ولاهانو اعزاز الجناب الحشامـا
00000اللي بعيد الـدار واللـي بدانيـه
يقوله اللي عن وذى الناس صاما
0000شاعر ويصخر مثل غيره قوافيه
قافه مع اهل العرف يلقى احتراما
00000يلقى احترامه من جزالة معانيـه
لااسند بشعـره يعتلـي للسنامـا
00000يسند على اللي بالجزاله مخاويه
عـزام قافـه لبسـوه الوسامـا
00000مثل الجدي عزام ماحدن بغاويه
طيبه وشعره ذاع بيـن الانامـا
00000يفداه من بالشين داجت خطاويـه
الشعر سبك وحبـك ماهودرامـا
000000علي قوي الساس ترفـع مبانيـه
والا هيال الساس يصبح هدامـا
00000جعله فدا من خلد الوقت راعيـه
امثال الاعلام الرمـوز القدامـا
000000اشعارهم مابين الاجيال ترويـه
قصيدهم نوره يزيـح الضلامـا
00000مثل الدوا لااستفحل الدا اتداويـه
واليوم حال الوقت صابه هيامـا
0000000على الهيام يحق لي يوم اسميـه
قمنا نشوف المعضلات العظامـا
000000تلحقت وجه الحقايـق بتشويـه
ناسن تبي تخلف نظـام بنظامـا
000000اهدافها مجدن لنـا فـات تلغيـه
يسعى على الغائه ذليلن خمامـا
00000اللي تلاشت من ضميره مباديـه
للذل والحقـران يبنـي اخيامـا
000000من دينه ومبـداه يعلـن تبريـه
معاد ينظر في حـلال وحرامـا
00000طاوع هوى شيطانه اللي يغويـه
ماهاب من نقد العرب والملامـا
000000يالله لاتبـلا الرجـال ببلاويـه
الراكعيـن الصايميـن القيامـا
00000اللي تدور طاعـة الله وترضيـه
ياحيهـم والله هـذولا النشامـا
0000الكل منهم سلم الاجـداد محييـه
اللي اعلوم الطيب فيهـم تنامـا
000000نمو غرسن راهي الجم يرويـه
وهذا ردي على قصيدته



مني لابو سطام رد السلاما
000000 الصاحب اللي ياكبر هقوتي فيه
حر ولد حر ٍ رفيع المقاما
00000 جاني كتابه والشرف يوم اجاريه
شاعر وله بالشعر خمسين عاما
000000 يارد على عد الروى يوم يصخيه
يروي كبود ٍ عقب ماهي حياما
0000000 يعلها وبل الشعر يوم نوحيه
جزل القصيد اللي وصل للغماما
00000 كنه على الجزله زمانه موصيه
والشعر من تالي ضرب في عداما
00000000 تكسر ابياته وتلعن مجانيه
من عقب ماهو مثل حد الحساما
000000 اليوم صخن ياعسى الله يعافيه
جاه الصغير اللي بسن الفطاما
000000 غرير شعر ٍ ما عرف وش مساريه
ما فرقوا بين الرسن والخطاما
00000 غادي وكم واحد معه راح مغديه
تخاطفوا بيت الشعر بالسهاما
000000 البيت ثابت من رمى البيت مخطيه
ياما بلوه الله بلاهم وياما
000000 ياوجدهم والله يلغون ماضيه
هم يحسبون انه سهل هاللئاما
00000 من دونه الشعار تاقف وتحميه
النور ما يخفيه طول العتاما
000000 لو طالت المده وطالت لياليه
الشعر مبطي مثل بدر التماما
00000 من تاه في غب المراجل يقديه
تاريخنا لو صار فيه احتداما
000000 يبقى على مر الزمن ما نخليه
ورث الجدود اللي سما ويتساما
000000 وحنا نصونه من بلاوي معاديه
جدودنا اللي للمعادي كعاما
000000 تاريخهم يذكر ولا احدن بناسيه
تعبوا على شانه بجل اهتماما
000000 ياحيف ياللي تنوي اليوم تنهيه
ولو صار في بعض الليالي جهاما
00000 مني يابو سطام بتشوف تاليه
مدام فيه الطيبين ومداما
00000 فيه الرجال اللي تثمن مساعيه
وحنا على سلم الجدود الكراما
00000 لو بارت الدنيا على الحق نمشيه
جتك البيوت اللي تسابق شماما
00000 عزام غناها لشاعر بني خيه

[ولد الديرة]

النور ما يخفيه طول العتاما
000000 لو طالت المده وطالت لياليه



صح لسانك ابو عبدالله على هالمساجلة الاكثر من رائعة

[عزام الخريف]

صح بدنك ياولد الديره
عساني ما اعدم هالحضور
شكر لك

[ابو حمد]

تعبوا على شانه بجل اهتماما
000000 ياحيف ياللي تنوي اليوم تنهيه
مساجله رائعه من فطاحله في الشعر نفتخر ان تسجل هذه المساجله في مجالس تميراوي نت..
الله يعطيك العافيه يا ابو عبدالله على هذه المشاركه ولا تحرمنا تواجدك العطر,,

[الفوزان التميمي]

مبدع يابو عبدالله ومافيك حيله وصح السانك ولسان ابناخينا
وبنتظار ابداعاتك الجديده

[قناص تمير]

والنعم فيك يابو عبدالله وفي رفقيقك
شاعر مبدع نفتخر بك في تمير
ونكن لك كل الأحترام والتقدير

[عزام الخريف]

تعبوا على شانه بجل اهتماما
000000 ياحيف ياللي تنوي اليوم تنهيه
مساجله رائعه من فطاحله في الشعر نفتخر ان تسجل هذه المساجله في مجالس تميراوي نت..
الله يعطيك العافيه يا ابو عبدالله على هذه المشاركه ولا تحرمنا تواجدك العطر,,



الله يعافيك يابو حمد
عساني ما اعدم هالحضور الطيب

[عزام الخريف]

مبدع يابو عبدالله ومافيك حيله وصح السانك ولسان ابناخينا
وبنتظار ابداعاتك الجديده

صح بدنك يالفوزان التميمي
وحضورك هو الابداع
لاعدمتك

[عزام الخريف]

والنعم فيك يابو عبدالله وفي رفقيقك
شاعر مبدع نفتخر بك في تمير
ونكن لك كل الأحترام والتقدير

ما عليك زود ياقناص تمير الله لا يصغرك
والفخر لي بوجودك هنا
ياعسى عمرك طويل

[ملك روما]

مساجلة جداً جميلة ورائعة ..بارك الله فيك ابو عبدالله ..ولا يهون ابو سطام .

[تميمي]

باارك الله فيكم جميع وصح السانك

[تميمي]

صح السانك يامبدع تمير

[الصامت]

صح لسانك يا عزام وصح لسان الشاعر الاخر
مساجله تسجل في قائمة الابداع الشعري من الاثنين

[تميمي]

صح السانك ويعطيك ألف عافيه