المساعد الشخصي الرقمي

مشاهدة النسخة كاملة : ماذا تقول 2

هامة مضر
09-12-2009, 12:31 AM
هلا بكم

ماذا تقول لـــ

ابن الحلال اللي مبلشن أم عياله

كلما طق عودن عود

قال تراي أبا اتزوج

وعند ادنى مشكله واختلاف معها في الراي

يهددها بأن ياخذ حرمه ثانيه

وهو في الحقيقه ما عنده الا المهايط

حتى لو راحت زوجته تخطب له ما يصمل

لكن ماسكتن معه على هالموال

وش تقول له
تحدوهـ البشر
09-12-2009, 01:48 AM
هذا يالمضري يبي له خيزرانة على ظهره تعلمة شلون مرة ثانية يهدد هو ووجهه

اتوقع زوجتة بتقول لو رجال سوها خخخخخخخخخخ

مواضيعك دائما فيها حكمة يالمضري الله لايحرمنا منك ومن طلتك الحلوة
تميراوي وبس
09-12-2009, 01:35 PM
اللي مثل هذا ودك تقول لحرمته الله يصبرتس على هالمهايطي
ابوحلا11
09-12-2009, 07:23 PM
كانه رخمه اشغلها تعرس عليه وتخليه كنه عودن مهذرى
رجال الرجاجيل
09-12-2009, 10:08 PM
امارجال يصمل ويعرس والايعض لة على شحمة ويسكت
فارس بلا جواد
09-12-2009, 10:56 PM
لكل رجل : الحرمه تمنى الموت لك ولا تعرس من القهر الي تشوفه من الحريم الي حولها يتهزن بها وهي تلقا رجلها غاثها والا اذا عند ه قدرة للعرس و حارما نفسه العرس يجلس عند المشب ويتدفى عن البرد ههههههههههههههه ..........
الوهبي
10-12-2009, 12:21 AM
ماكل رجال رجال ولي قدها يطري لزوجته العرس وأولهم هامة مضري كني أشوف عقاله طاح من الخوف ههههههههههههههههههههههههههههههههههههههههههه
قلب الاسد
10-12-2009, 12:26 AM
أقول له .. خلك على قردك لايجيك اللي أقرد منه .. !!
المتميزة 26
10-12-2009, 11:59 AM
اتوقع بيطيح من عينها

ويمكن تردد له : أن شفت ما عفت صديت

وتصد عنه الصده اللي هي وبعدها يعض اصابعه ندم ويقول ياليتني صرت رجال
فارس بلا جواد
10-12-2009, 06:30 PM
ترى الناس اجناس ومنهم الي يقبل بالكلام لان الرجال يضر نفسه بالكلام و سؤال للعنصر النسائي شفت عفت هذي حيلة الي ما وثقة من ارضاء زوجها والا وش يحده للزواج (ومنهن من المطبخ لغرفة النوم ) خلوها ؟؟
ابوحلا11
10-12-2009, 08:41 PM
يمكن انها متزوجه عليه مسيار وهو مايقدر يتزوج ........................
عزام الخريف
10-12-2009, 09:18 PM
اقوله اما رجال تعرس وألا تشدد في بشتها لاتطير 00
ابوحلا11
11-12-2009, 01:24 PM
اعوذ بالله من الشيطان الرجيم واحد ياالمضرى يتعوذ منى اذاشاف اسمى ويعدل على مشاركاتى معك مثل مالرجل حقوق لزوجه حقوق اذا ضيق صدرها تقول ترا بروح لهلى مثل ترا اباتزوج عليك بس بطريقه شرعيه
المهم ياالمضرى ماودك تعشاء معنا قبل مانمشى لرياض
هامة مضر
14-12-2009, 02:47 PM
هلا بكم
الظاهر ان الدعوى حميا مع العنصر النسائي

هل هو احترام لهن أو خوف ؟

اغلب الردود أو كلها توحي بأن الجميع يحسبون حساب لهن
-----------------------
رجال الجاجيل
امارجال يصمل ويعرس والايعض لة على شحمة ويسكت
الصمله تبي قوه (قوة شخصيه لا تروح بعيد) والقوه تضيع عند المواجهه
الكلام من بعيد زين
---------------
فارس بلا جواد
يجلس عند المشب ويتدفى عن البرد
الجلسه عن(( المشب)) ابرك
ما فيها صياح ولا تنثير عفش في الشارع
----------
الوهبي
ماكل رجال رجال ولي قدها يطري لزوجته العرس وأولهم هامة مضري كني أشوف عقاله طاح من الخوف ههههههههههههههههههههههههههههههههههههههههههه
شوي شوي لا تموت من الضحك
تضحك واجد بتعوض ايام الشباب اللي حرمك فيه ماجد عبدالله حتى من الأبتسامه
كنك شيعة العراق
ما ضحكو الا بعد ما راح صدام الله يرحمه ويغفر له ويعفو عنه ويدخله الجنه
---------------------------
قلبي
أقول له .. خلك على قردك لايجيك اللي أقرد منه
ليس بالضروره ان يكون أقرد منه يمكن حتى القرد الأول تصلح احواله
--------------------------------
المتميزة 26

اتوقع بيطيح من عينها
اكيد مهوب توقع
من يجي طاري العرس الثاني تقوم القيامه
فبه واحد توفا ابو زوجته -وبحث عن طريقه ليخبرها ولا يروعها
وجالها في البيت وقال خذي أغراضك ابا اوديك لبيت أهلك
وفي الطريق قال لها أنني متزوج من اخرى
وقامت تبكي وتولول وتلعن البعيد والقريب وشخيط ونخيط الى أن وصل بيت أهلها
وقبل تنزل قال تراي اكذب ما تزوجت - بس ابوك مات - قالت أشوى
الحمد لله - أبوي أن ما مات هالسنه مات الجايه - كل شي الا العرس
ودخلت البيت وهي تضحك ومستانسه المهم ان زوجها ما تزوج ثانيه
ويمكن تردد له : أن شفت ما عفت صديت

وتصد عنه الصده اللي هي وبعدها يعض اصابعه ندم
الله الله -- كم واحدعض اصابع ايديه ورجليه
ويقول ياليتني صرت رجال

الظاهر نصير رجاجيل قبل :21_197:
--------------------------
عزام الخريف
اقوله اما رجال تعرس وألا تشدد في بشتها لاتطير
الشعراء أكثر الناس مرعاة لخواطر الغيد
-------------
ابو حلا
المهم ياالمضرى ماودك تعشاء معنا قبل مانمشى لرياض

ان فكرت في العرس الثاني تعرفت عليك وتعشيت معك كل يوم
--------------------------------------------
اشكر الجميع على المرور والشرطه
الملكي
14-12-2009, 03:28 PM
اقوله ازبن دارك وخل عنك هياطك
لان ماهو كل رجال رجال اذا قال كلمه تمها
اللي انا اعرفه واحد اذا قال كلمه تمها وبدون ما تدري يقولون فلان شال حرمته....
أبومشعل
14-12-2009, 04:01 PM
السلام عليكم ياالمضري
على قولة المثل ماتعرف قديري الى لما تجرب غيري
وكل أنسان يختلف بطبعه وذوقه ومشاعره
لكن با النسبة لي مستحيل أتزوج عليها
هذا أذا الله كتبلي نصيب وتزوجت
تحياتي وتقدير
هامة مضر
14-12-2009, 11:41 PM
اقوله ازبن دارك وخل عنك هياطك
لان ماهو كل رجال رجال اذا قال كلمه تمها
اللي انا اعرفه واحد اذا قال كلمه تمها وبدون ما تدري يقولون فلان شال حرمته....


هلا بك يالملكي

هذاك منول ما يدري أحد

وبعضهم يجيه عيال ما دري عنه

هالحين لو ينوي طلعت نيته في الأنتر نت
الفوزان التميمي
15-12-2009, 12:25 AM
والله انا اشوف انه يسايس حرمته وبس وذ تهوش معها يتركها ولا يجلس يهدد بشي موب مسويه
ابوحلا11
15-12-2009, 07:24 PM
وش قصدك يامضرى فى ردك بعدين نسيم قطعنا العلاقه معه وانت فى الطريق نشطب عليك لانى صرت ابليس حسب تصريح بعض الناس ودور لى بليسه
هامة مضر
15-12-2009, 11:08 PM
وش قصدك يامضرى فى ردك بعدين نسيم قطعنا العلاقه معه وانت فى الطريق نشطب عليك لانى صرت ابليس حسب تصريح بعض الناس ودور لى بليسه

اذا انا فكرت في العرس الثاني

سيتم طردي من البيت

والله يعينك تغديني وتعشيني

بس انت وينك ؟ من يعرفك ؟ ومن تكون ؟
ابوحلا11
19-12-2009, 07:51 PM
يالمضرى انا ادور ....... بالعربى ماتخبرلى وبعدين اناشاطب على نسيم والظاهر انك فى الطريق بس ادور فرصه