فن المكاســـــره

[الحــر8100]

فيه ناس عندها أسلوب مكاسره البياعه بسوق الخضره والغنم وو...

خاصه لاصارالبياع من صنف ابو هنود بتكون نسبه المكاسره اكبر

غير لما تكون مكاسره مع بياع من دوله عربيه هذا اغسل يدك منه

لاصار ماسك محل ساعات جيفنشي مالك الا سعيد لاتعداه

كلنا نعرف طريقتهم الباعه

يقولك هالسلعه ب45 شيل اربعين ؟

والله انه فاهم مسوي يحسبك تاتركض له تدفع 40 .

بتاخذ السلعه قدام ماصته وبتحوسه باخذها35 حطها بكيستها

عاد ذا بينقلب وجهه ويتململ لا كيف 35مايجي ؟

هذا كويس ..انا فايده مافيه ..عاد انت بتقوله باخذها من محل فلاني أرخص منك

تحاول انك تلين راسه وان مانفع..تقعد تلفت منا ومناوتدخل البوك وتطلع مفاتيحك ثم
تمسك عروه باب المحل وانت ماودك تطلع الا وشاريها

وابو هنود بيقولك خلاص تعــال شيل عاد انت بتحس انك كسرت شوكته مستانس
وتعطيه دراهمه وتطلع فرحان كنك بزر شاري لعبه :sm01:

هاذي المكاسره تقعد انت وياه
دقيقه لين تكسر راسه وتاخذ حاجتك.

مرات المكاسره تنجح معك على حسب شكلك الخارجي
فيك هيبه ومشيتك متزنه وانت تقلب في القطع ونظرتك حاده وانت تقولب فيها
وماتعطي وجه للعامل قدامك وهو يبربر لك عن هالقطعه ومرات ماتوفي معك

لاصارالبياع مصري ناشب لك يبي يطلع لو ريالين يربحها

( فن المكاسر يبيله مهاره وأسلوب بحركات البياعه)



في نظرك انت كيف يكون تعاملك مع الباعه؟ ام انك تشتري ماتريده ولاتهتم بالسعر؟

[العنكبوت]

مشكور اخوي على الموضوع الجيد انا عني اذاكنت ابيها ماكاسر على طول خذتها واذا ودي ولا ودي اكاسر واذا توهقت وسالت عن شي مابية بس لقافة اقول غالي عشان يسكت بس اتوهق كثير اذا قالي خذيها باللي تبين**كنة يبي الفكة منها عاد دورني وشلون بطلع من المحل000هههه

[الحــر8100]

يعطيك العافيه عالمرور

الباقين وينهم مسوين انهم مايكاسرون ؟ نص الأعضاء اعرفهم راعين مكاسر ومن حق

[ابو حمد]

هلا بالحر 8100
المكاسر عند بعض الناس موهبه يعني سبحان الله تقول يقرا على البايع لين يلين راسه بالسعر الي يبي,,
بالنسبه لي انا عندي اسلوب دايم استعمله خاصة في الاجهزه الكهربائيه ومع ابو هنود مثل المسجلات او التلفزيونات او الرسيفرات ,,
اجي للمحل واشوف الجهاز الي في بالي واقعد اسعر الاجهزه ثم اذا قررت اخذ جهاز وقال سعره مثلا 200 ريال
اقول لا لا عطني اخر كلام ينزل لك 10 اكرر السؤال عليه اخر كلام عاد هو مسوي فيها وصل حده يومي براسه
يقول يالله شيل 185 اقول نهائي يقول اهاا اهااا
القيه ظهري واسوي نفسي بطلع هههههههههههههه وانا اتثيقل في المشيه انتظره يناديني عاد هو مايبي يخسرك
يصوت لك تعال صديق يالله شيل 180 اقول لا لا يقول هو انتى كم يبغى؟
عاد يجي دوري في السعر اقول انا شيل 120 يقول لالا اقول خلاص مايبغى هو مايخليك يجرجرك ينزل السعر لين اوصل للقيمه الي ابيها ثم اخذ الجهاز واطلع ههههههههههههه
تعبت وانا اسرد القصه لوها قصة حياتي كان خلصت هههههههههههه
تحياتي وتقديري,,

[الحــر8100]

يعطيك العافيه ابو حمد عالمرور العطر
الباقين وينهم

[أبومشعل]

المكاسر .. والله شيء طيب http://www.coalles.com/vb/images/smilies/icon191.gif
بالذات على الأشياء اللي تستاهل من يكاسر عليها .
واللي يقهر بعد ، لا شرينا شيء مثلا سعره 150 ريال ..
ونروح محل ثاني ونلقاه ب 95 شيء يقهر الصراحه

والاشياء اللي مافيها مكاسر ،
الماركات العالميه ، ذات الأسعار المحدده
و سِعر البنزين http://www.coalles.com/vb/images/smilies/lol.gif < برى
والأغذيه ، ما أتخيل نفسي أجلس عند الكاشير وأكاسره هههههههه
أصلآ عمرها ماصارت http://www.coalles.com/vb/images/smilies/icon191.gif
الحر8100 ، شكرآ لك

[الفراشه الحائره]

ياكثر ماكاسرنا سعيد واكرم يجي منهم بو هنود
عندك حق ماس مامنه رجا قطش المصري

[تحدوهـ البشر]

اليوم اكاسر محل اجهزة حاسب حسابة اربعين ريال واقول نقص زياده

حاسبت الرجال بخمسين ورجع لي اربعين الثور هههههههههههه قلت والله مابي الحرام كان سرقتها ومشيت