المساعد الشخصي الرقمي

مشاهدة النسخة كاملة : انا والجن

هامة مضر
03-10-2009, 02:29 PM
هلابكم

يقول احد العمال بتمير

لا نحتاج سياره بتمير

دائماً ننتظر على الخط واول سياره تشيلنا

ولا حظت ذلك فعلاً

الربع في هالديره ما يقصّرون

يوقفون للطرقي والعبري

اللي يأشرون على الدرب دايم

المهم

كنت جاي من الرياض وانا من اللي لا راح للرياض ينتك خلقهم

وانا جاي للديره الساعه عشر ليلاً

ومشغل الرادو على اذاعة الكويت وساهي

وبعد ما طلعت كبري مخرج تمير لقيت عامل يأشر على الكبري يبي الديره

وقفت له وقلت له اركب فوق

لأن العمال بعضهم يدهن راسه بدهون يطلعك من المله

وقلت له وين قال سكن البلديه قلت اذا وصلت اللي تبي طق قزازه قال طيب

المهم وصلنا حول سكن العمال ودق القزازه ووقفت له ينزل وبعد ثواني سمعت سكراً (شكراً)

مشيت في طريقي للديره

ويوم وصلت مقابل سوق الشوكي

طق القزازه يقول هنا هنا

عماااااااااا

وشذا ؟

والتفت ورا وايلا في صندوق السياره ثلاثه عمال

سودان وشوشهم طايره مع الهوا (كنت مسرع)

وقفت وحولت عليهم وين جيتو

قالو انتا وقف سكن عمال انا يركب

الترجمه

انت وقفت عند سكن العمال وحنا ركبنا

اثاريهم يوم وقفت انزل العامل اللي معي كانو ور الشجر

ويحسبوني واقف لهم وما صدقو يطمرون كنهم قطاوه
ابو حمد
03-10-2009, 03:22 PM
رحمة من الله انك ما شغلت شريط حجاب كان ما وقفت بهم الا في بوضه ههههههههههههه
موضوعك جيد وفي وقت اصبح التوقف لحمل اي شخص وخاصة في الليل فيه صعوبه كبيره ومخاطر اكبر,,
لذلك الواحد يقول يالله السلامه والي ياقف يومي بيده وانا ما عرفته زين خله في مكانه عسانا نسلم بانفسنا الله يدفع الشر
وعلى طاري الوقفه منول الله يعفو ويتسامح عنا وقت الشباب والمراهقه اذا شفنا العامل واقف يبي من يشيله نوقف بعيييد عن مكانه نبيه يجي يركض للسياره واذا اقبل على الباب يبي يفتحه نحط رجلينا ونمشي ونخليه يلاهث في مكانه,,
الله يعفو ويتسامح عن الي وهقناهم في هالمقالب,,
عاشق الذابح سعد
03-10-2009, 06:07 PM
والله موقف يحسد عليه
ماصدقو خبر
عموما
مشكوررررر يالمضري
هامة مضر
03-10-2009, 06:40 PM
رحمة من الله انك ما شغلت شريط حجاب كان ما وقفت بهم الا في بوضه ههههههههههههه
موضوعك جيد وفي وقت اصبح التوقف لحمل اي شخص وخاصة في الليل فيه صعوبه كبيره ومخاطر اكبر,,
لذلك الواحد يقول يالله السلامه والي ياقف يومي بيده وانا ما عرفته زين خله في مكانه عسانا نسلم بانفسنا الله يدفع الشر
وعلى طاري الوقفه منول الله يعفو ويتسامح عنا وقت الشباب والمراهقه اذا شفنا العامل واقف يبي من يشيله نوقف بعيييد عن مكانه نبيه يجي يركض للسياره واذا اقبل على الباب يبي يفتحه نحط رجلينا ونمشي ونخليه يلاهث في مكانه,,
الله يعفو ويتسامح عن الي وهقناهم في هالمقالب,,

هلا تميراوي

بالنسبه لي اوقف لأي واحد وفي اي وقت

خاصه اذا صار في مكان بعيد وا في شمس

لكن هذولا ما ما دريت انهم ركبو

وكنت احس باهتزاز السياره واقول من الهوا

لكن يوم وصلت الدعوا طق القزازه التفت وشفت ثلاثه

بسم الله الرحمن الرحيم
هامة مضر
03-10-2009, 06:43 PM
والله موقف يحسد عليه
ماصدقو خبر
عموما
مشكوررررر يالمضري


هلا بك عاشق الذابح

تصدق يوم شفتهم طلع قرن في راسي
تحدوهـ البشر
04-10-2009, 12:51 AM
اول شي احب اشكرك يالمضري على حسن اخلاقك وفزعتك للمحتاجين من المساكين الي ماعندهم سيارات

وشكلي كل ماشفتك بوقف على جنب واركب معك على الاقل نستمتع بسوالفك الزينة واستفيد من خبرتك

العمال مشاكلهم اكثر من فايدتهم يعني تشيل لك عامل ثم تطيح بتفتيش يطلع العامل مخالف ماعنده اقامة وتروح في سين وجيم

احسن شي خله يجي عامل مثلة يشيلة


وعلى طاري الوقفه منول الله يعفو ويتسامح عنا وقت الشباب والمراهقه اذا شفنا العامل واقف يبي من يشيله نوقف بعيييد عن مكانه نبيه يجي يركض للسياره واذا اقبل على الباب يبي يفتحه نحط رجلينا ونمشي ونخليه
والله الحركة هذي احس العامل يحقد عليك ومارح ينساها طول عمرة
رجال الرجاجيل
04-10-2009, 08:56 AM
على اجرك ياخوي يالمضري
والجن ناس مثلنا مايخوفون
عادي نشيلهم معنا مانخليهم
الشامخ
04-10-2009, 09:32 AM
بسم الله الرحمن الرحيم

خلصت مواضيعك يالمضري مابقى غير الجن

عسى ربي يكفينا شرهم
ıı иoọoи
05-10-2009, 10:15 AM
<<<<<<<<<<<<<<<<<فاااااااااااااااااطسه ضحك


اتخيل اشكالكم

ولا تميراوي إذا وصل الهندي مشيتو ههههههههههههههههههههههههههههههههههههههههههههه


وه بس


عوااافي بس جد خوفتنا من هالجن...


ماننحرمشي..
تميراوي نت وبس
05-10-2009, 04:44 PM
انتبه تشيل جنيه .
ههههههههههههههههااااااااااااااااااااااااااهههههههه
تميراوي وبس
06-10-2009, 01:22 PM
والله يالمضري ودنا ما نخلي احد يمشي على رجليه بس مثلك خابر هالعمال روايح فيهم الله لا يوريك لا واذا حول من موترك ررررززززح الباب لين تنابط جلبه ومساميره لاكن الي معه صندوق اشوى وينتبه لا يسرقون منه شي تراى اغلبهم حنشولي . وبعدين خابرك تميمي ما يروعك سوداني في الصندوق وشلون اجل لا جا الدجال باكر وش بتسوي ؟
المتميزة 26
06-10-2009, 06:27 PM
العماله عندنا تكسر الخاطر ومع كذا ما لهم أمان يخوفون

والجن ترى ما يخوفون مثل هالعماله



تميراوي حركاتكم مع العمال وانتم مراهقين ماهي مقالب إلا مصايب ترفع الضغط

الله حاميكم وإلا كان رحتوا فيها مع هالعمال اللي ما يمزح معهم



والجن ناس مثلنا مايخوفون




رجل الرجاجيل الجن جن مو ناس مثلنا :)
هامة مضر
06-10-2009, 07:19 PM
الي معه صندوق اشوى وينتبه لا يسرقون منه شي تراى اغلبهم حنشولي

صحيح بعضهم حرامي
مره فيه بدو شياب رايحين يصلون الجمعه على ونيت ومعهم خروف جالبينه للبيع بالسوق
وفي الطريق لقو عامل مصري يأشر على الطريق يبي الديره بيصلي الجمعه وشالوه معهم وبعد شوي لقو اربعه هنود كذلك رايحين للصلاة وشالوهم معهم واجتمعو العمال في الصندوق
المصري والهنود وباقي على الديره اللي فيها الجامع حول 20كم
واخذ العمال في السوالف
قال لهم المصري انه صاحب الخروف ويبي يبيعه في السوق ومستعجل يبي يحول الفلوس لمصر
وعرضه على الهنود وكان يسوا 600 ريال ولكنه مستعجل ولو يحصل 400ريال باعه
وكان من الذكاء يكلمهم وهو ماسك الخروف مع رقبته
المهم ان السعر راق للهنود وطلعو كل واحد مية ريال وعطوها المصري
وقبل الديره طلب المصري الوقوف للنزول
ونزل وواصل الربع الطريق للديره
ويوم وصلو السوق نزلو الهنود وفتحو باب الصندوق وراحو ينزلون الخروف
قال البدوي راعي السياره للهنود
خلوه خلوه الله يعافيكم نبي نبيعه
قالو الهنود لالا خروفنا وحنا اللي نبيعه بمعرفتنا
قال وشلون صار خروفكم ؟
قالو شارينه من المصري ب 400ريال

قال البدوي روحو دورو المصري خذو منه فلوسكم الخروف مهوب له
الخروف خروفنا
نسوي خير ويجينا شر
سعود
06-10-2009, 08:23 PM
يارجال بعضهم ماودك توصله مره شلت انا وواحد من الربع هندي عند محطه العزيزيه حنا رايحين بوخسيفه يوم وقفنا عند مفرق بوخسيفه ننزله زعل قال لوكنت ادري انكم بتوقفون هنا ماركبت !!! رجعوني ابي مبايض تمنيت اننا رجعناه عند مفرق تمير عشان يتأدب ....
حــاتــم
06-10-2009, 08:32 PM
الله يجزاك خير على توصيلهم

الله يكفينا شر العمال
قناص تمير
07-10-2009, 01:06 PM
هلا بك المضري
أثرك تعرف جن!! الفكه منك !! النصر هو نادي القرن!!
بيض الله وجهك وكثر الله من أمثالك!!
عاشق الذابح سعد
07-10-2009, 01:16 PM
هلا بك المضري
أثرك تعرف جن!! الفكه منك !! النصر هو نادي القرن!!
بيض الله وجهك وكثر الله من أمثالك!!
أكيد ياقناص القرن النصر هو نادي القرن
يبي لها كلااااااااااااااااااااااااااااااااااااام
مرحبا بك ياقناص في سماء العااااااااااااااااالمية
مرحبا ألففففففففففففففففففففففففففففففففففففففففف
مرحبا مليووووووووووووووووووووووووووون
قناص تمير
07-10-2009, 03:46 PM
أكيد ياقناص القرن النصر هو نادي القرن
يبي لها كلااااااااااااااااااااااااااااااااااااام
مرحبا بك ياقناص في سماء العااااااااااااااااالمية
مرحبا ألففففففففففففففففففففففففففففففففففففففففف
مرحبا مليووووووووووووووووووووووووووون
وانت يالذابح ماعندك شغله الا تلاحقني في هالمنتدى!!
شف لك سالفه غير الملاحق!!
تحياتي لك !!
عاشق الذابح سعد
08-10-2009, 03:12 AM
وانت يالذابح ماعندك شغله الا تلاحقني في هالمنتدى!!
شف لك سالفه غير الملاحق!!
تحياتي لك !!
أي ملاحق ياقناص القرن
أنا أؤيد كلامك النصر نادي القرن
رغم هلاليتك
مع التحية لك وتقديري ياقناص القلوب
رجال الرجاجيل
08-10-2009, 01:38 PM
يقال ان فية جني في شعيب السلم اسمة ابو مويس
يقولون انة جني مسالم ما يجي منة الا كل خير ؟
ولا يقولون انة الي نامو الريس عن الصلاة انة
يقومهم ؟
وهوبعض المرات يسقي النخل ؟
والجن فية جن صاحية ومسالمة وتخاف من الله
وفية جن كافرة عاصية لااوامرة الله تعالى 0
مثل الانس فية ناس هاديها الله
وناس عصاة يعثون ويفسدون في الارض وناس كافرة
ابوحلا11
15-10-2009, 08:29 PM
فيه موضوع كاتبه واحد عن انواع الزواج ناقص زواج نت وين راح الموضوع