المساعد الشخصي الرقمي

مشاهدة النسخة كاملة : هلا عزام

هامة مضر
06-09-2009, 02:43 AM
ياسلام الله على عزام واللي يسمعوني

ردة فيها سعة خاطر وصوتن شايلينه

كان ابو عبدالله الغالي يبي زين اللحوني

لوتكرم يقبل الدعوه وخيره شايفينه
عزام الخريف
06-09-2009, 02:57 AM
البقا يالشاعر اللي ما نقول ألا يموني
000000 شاعراً عن ساحة الشعار مبطي فاقدينه
دعوتك من فوق راسي وانت والله ماتهوني
00000 مير هات العلم كان العلم حنا خابرينه
هامة مضر
06-09-2009, 03:12 AM
لعلوم علوم بس من الزهق شابت عيوني

مالقيت اللي يسليني وديني مثل دينه

قاعدن في خيمتي واتنا المواذن يذنوني

كلها ساعه وصوت الحق منهم سامعينه
عزام الخريف
06-09-2009, 03:21 AM
ربعك اكثر من حصى القاره ورى ما يفطنوني
00000 مجلسك عامر مثل مجالس الشيخه حسينه
والله ان علومي اكثر مير ربعك يزعلوني
000000 بس صاحبنا علامه يحسبنا مزعلينه
هامة مضر
06-09-2009, 03:40 AM
عزتي للي يجنب شلته ينزل بدوني
من تغلى جنبوه الناس ماهم حاسبينه

شفت هالعالم من اللي شفت منهم جننوني
ما عرفت لهم وانا واضح وسدي عارفينه
عزام الخريف
06-09-2009, 03:51 AM
العرب جاهم بلى يا جعلهم ما يربحوني
00000 والزعل مابين خلق الله تراهم مهتوينه
النفوس اليوم ضاقت والمهبل بهذلوني
000000 من جهلني قلت حد الله مابيني وبينه
هامة مضر
06-09-2009, 04:10 AM
العرب فيهم وفيهم يطلعون وينزلوني
كل ماهب هب الهوى غير مسارات السفينه

لكن الشرهه على الغالين لاما دوروني
متعبن نفسي اكلمهم ورقمي حاذفينه
عزام الخريف
06-09-2009, 03:48 PM
كم وكم ناس ٍ خدمناهم ولكن قطعوني
0000 لارحم بعض الرجال اللي ربوعه كارهينه
ياخسارة كان ربعي هالزمن ما قدروني
00000 من بغى يمدح ترى الرجال يمدح من يمينه
الفوزان التميمي
08-09-2009, 04:08 PM
مشالله عليكم قصايد جميله بنتاظر هامه مضر