غطا الشطه مفقود ...!!!!

[قلب الاسد]

قررنا نحن ومجموعة من الزملاء نتغدى مندي (نص) تيس بعد الظهر وجمعنا قطتنا وكان عددنا سبعة ..
وكان من بيننا واحد مغرم بالشطه حد الجنون ..
وقلت لصاحبي المغرم قبل مانجيب الغدا .. شف خلنا نتفق من اللحين ..
حنا بنجيب صحنين .. انا ابجلس مع اللي ضرسها ردي:gap: .. وانت خلك مع الناس الإكيله :icon10:..
قال انت ابعدني بس عن البوكلينات ومالك هم :aikido:..
جابوا التيس وجلسنا ثلاثه على صحن ومعي خوي وشطته الجديده ..
بدينا ندردب في هالنعمه لين قلنا ربنا لك الحمد ..
وقبل لانظف السفره كبينا باقي الصحن في السماط... جينا ندور غطا الشطه مالقيناه
يمين يسار فوق تحت قلبنا الرز قلبنا السماط ماش محاولاتنا باءت بالفشل ..
قال واحد من اخويانا لخوي صاحب الشطه .. أخاف انك كلت الغطا تحسبه زبيب :taunt:.. !!!
قال .. وين لو اني ما أشوف :pirate2:..

المهم خويي جاه ماغص في الليل وبدا يوسوس :harroor: .. وتذكر الغطا لايكون ماكله مادرى ...
ودق على واحد من الربع :untitled:.. وقال شكل الغطا في بطني وش السواة .. قال مالك الاتصبر لين يفرجها ربك .. ونشوف باكر الصبح .. !!!
علموني بسالفته تمزعت عليه من الضحك :24:... وناظرت اصابعي وعديتها لقيتها كامله .. قلت في نفسي اشوا هالمره جت سليمه .. وفكنا الله من البوكلين .. !!!

[ملك روما]

قررنا نحن ومجموعة من الزملاء نتغدى مندي (نص) تيس بعد الظهر وجمعنا قطتنا وكان عددنا سبعة ..


سبعه ..ونص تيس ..!! كم قط كل واحد 5 ريال ؟؟ :gap:

.. انا ابجلس مع اللي ضرسها ردي:gap: ..


:21::21:

[ابو حمد]

الظاهر ان خويك من الي يطيحون على الصحن الين يطلعون الورده:taunt: واتوقع انه بلع
الغطا بدون ما يحس به لانه ماياخذ وقته في تقليب الرده في اثمه يجرعها اسرع له يلحق
الثانيه وراها وشاف لون الغطا احمر يحسبه قطعة طماط وجرعها جرع:21_183: لكن السؤال
باقي الشطه خذتوه معكم ولا خليتوها
وبعدين انت اسد يالله تشارك معك 7 انفار وعلى نص تيس مندي؟ غريبه,,
وبعدين الي محيرني وين الجلسه الي تاخذ صحنين جمب بعض او كل ناس في جلسه؟
سؤال خاص هل صورتو في المطعم وانتم تفصفصون عظامة نصف هالتويس؟:drinks:

[قلب الاسد]

سبعه ..ونص تيس ..!! كم قط كل واحد 5 ريال ؟؟ :gap:



:21::21:


حياك الله ياملك روما ...
شكلك ناقد على القطه .. :icon10: .. خمسه ريال لو حنا متقاطين في ارنب :taunt: .. !!!
بعدين ميزة القطه تاكل زيك زي غيرك .. !!

[wa7d_mn_nagd]

بالعافيه يا قلب الأسد

لكن ماتخش مخي عددكم + قطتكم = نص تيس

والله انكم شي وخويكم اكل الغطاء شخباره الحين

لاا يكون راح المستشفى واكتشفو الغطاء باعماق المعدة

اذا اهم اكتشفو الغطاء . المفروض تسوي عليه حجر صحي

ولا عاد تتعودها وتقط معه او تاخذه معك مره ثانيه

تحياتي لك . موقف طريف ضحكت كثيراً عليه