وين عزام الخريف ؟

[فهد المفرج]

بسم الله الرحمن الرحيم

مساء الخير على الجميع




وين عزام الخريف جعل يومي قبل يومه = بنشده عن حاجة ٍ في خاطري قبل اعتمدها
طاري ٍ لي طاري ٍ ما ادري ولا ادري وش لزومه = يا الله اني في حجاك من النفوس و من حسدها

[عزام الخريف]

مساء النور يابو مشهور
ارحب ارحب يالمنادي شاعرا ً زانت علومه
00000000 ياعساني فدوتك والروح تافي في وعدها
انشد وهات السوالف والزمن طيحه وقومه
00000000 ياعسى ربي يكافينا من الناس وحقدها

[احساس شاعر]

مشاء الله تبارك الله

[فهد المفرج]

انشدك عن مزرعه فيها من العمال كومه

والله اني كل ما عديتها ما احصي عددها

و البعير اللي عليه شداد ما جا من يسومه

يطرد البكره و هي تضرب على متنه بيدها

[عزام الخريف]

مزرعه فيها النخل واثمارها شبه معدومه
000000 والزروع طوال من مده ولا عامل حصدها
والبعير شعيل ياقوه ويا ما اقوى عزومه
0000000 جابت البكره من اللي شافته اقصى جهدها

[فهد المفرج]

الله الله يا السنافي جبت الالغاز محكومه = انتبه للحاسد اللي يعمي العين برمدها
راحت الدعوى علينا والجمل بانت وسومه = مير وش رايك نطق الخيمه بليا وتدها

[عزام الخريف]

الرجل لا باح بالخافي ترى ما احد ٍ يلومه
000000 والعيون اللي تناظر فالردى ما احد ٍ فقدها
طقها ياصاحبي مثل اشقر الجنحان حومه
0000000 خلها فوق السحاب وتتعب اللي ما رصدها

[هادي]

ولا زلنا نتااااابعكم
معكم قلبا وقالبا

سلام

[فهد المفرج]

انفجر بركان ما ادري ثار ما ادري وش يمومه=الوكاد ان العلوم كبار كلّ ٍ ينتقدها
والمسافر لا ترجي يا بعد راسي قدومه=والعجوز اليوم تبكي و السبب فعلة ولدها

[عزام الخريف]

الولد مافيه خير الله يجيرك من سلومه
0000000 والقليب اللي وردها بالدلو غيره وردها
الرجل شال الجمل باللي حمل هذي علومه
0000000 والعجوز الله بلاها بالولد والله قردها

[فهد المفرج]

راعي الشاص اتهمنا يحسب الدعوى حكومه = والله انّــا ما بغيناها كذا لكن قصدها
وصلنا ما قال عنا مير ما نبغى الخصومه = السحابه يا عميلي فكنا الله من بردها

[الحــر8100]

يعطيكم العافية ياشعراء تمير

[عزام الخريف]

ماعليك خلاف وانت اللي يهابك في حلومه
000000 من يجيب السالفه لا بد ما يثبت سندها
الوكاد ان رمضان اقبل ولا بده يصومه
000000 والسحابه خلبت حتى ولو تسمع رعدها

[وحيد تمير]

الله الله وآفين

عزا الله انكم فحووووووول مشاءلله

ووآآصلوا

[فهد المفرج]

السحابه خلبت و القيظ تلفحنـا سمومـه- والغنم يا حول صار نعيمها يغلب نجدهـا
النصر كثف دفاعه و الهلال اعلن هجومه- وبنت ابو زيد الهلالي تفتن الناس بجسدها

[القاذفه التميمي]

صــح لســانكـ شــاعرنــا
القصيــده مره زينــه يعطيكـ العافيه

[فهد المفرج]

سقى الله ذيك الليالي يا عزام

مشكور على الردود الوافيه

و شكرا للجميع على متابعتهم

[تحدوهـ البشر]

الله يعطيكم العافية ابدعتو في المحاورة صح لسانك

ابومشهور & ابوعبدالله

[أبوكدش]

صح لساانك ابو مشهووور مشاء الله ع شاعرنا
ولا يهوون شاعرنا عزاام
مشاء الله عليكم

[صعب المنال]

يعطيكم العافية ياشعراء تمير