سَرَابَ الدمـ ع .. [ .. وأنفـَاسَ القوُايل .. ] ..

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.netea4e752865.jpg





.
.
.
.




شعاع ٍ .. يدخل الغرفة .. بعد العصر ..
يزحف فوق سجادة .. ويطلع فوق هالكرسي
ويمكن يلمس وسادة ..
ولحظة ما لمحته خاف
تراجع ..
طاح من الكرسي ..
وركض قبل النهار يمسي ..
ورجع للشمس كالعادة ..



يذكرني شعاع العصر ..
عيونك .. تدخل ضلوعي
في غفلة من عيون الناس ..
وتمد اهدابها احساس ..
وتاخذ قلبي من قلبي ..
تضيق بصدري الانفاس ..
ولما ينتبه واحد من الجلاس ..
بسرعة تركض النظرة ..
على السجاد والكرسي ..
احس ان النهار يمسي ..
وتغيب الشمس كالعادة ..

.
.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.neta33ee3be9e.jpg


.
.
.


بابٍ عتيق ..
ضمتني جدرانه .. و شباكه المطفي !!
يرسم ملامح غايبة ..
منحوته بـ ضلوعي ..
و شباكها عيوني ..
اسكّر الشباك .. و اقرا ملامحها

و ابكي عليها .. حلم
أبكي عليها .. دمّ



و ترسم ملامحها .. معالم اشباهي

افتّح عيوني ..
و القاني من دوني ..!!

حلم قِصر دوني .. و حلمٍ تعداني
و بين الألم و الحلم ..

و قفت انا .. و قلبي .!



.
.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.net43c94effed.jpg


.
.


كان ( الأمل ) " عصفور "
فارد جناحينه .. ..
بـ / الحيل متفائل ..
و طااااااح من كلمة ..
[ باكر بـ / تلقاني ] ..
و كل مايجي [ باكر ] ..
يطيـر هـالعصفور ..
كنّك تشوفينه ..
بالله قولي لي :
ما يكسر الخاطر ...؟...

.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.net0325bc1b8f.jpg


.
.


مـو حزين .. لـكن حزينَ ..

مثل صندوق خشب ..

ينـباع " خردة عشق " ..

بعد ما تمضي السنين ..


.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.nete6bc730b7d.jpg



.
.
.

أشوفك في ليالي الصيف .. تمر جنبي كأني طيف ..

واشوفك مع حبيب ثاني ..

أشوف بعيونك الفرحة .. [ وحزني شوّه اجفاني ] ..

وقلبك إنبرى جرحه .. وقلبي إنجرح ثاني .. !!

جلست اذكر امانينا .. ودمعي حرّق أوجاني ..

وتذبحني اغانينا .. وهي جنبي مع الثاني

تضمّ ايدينها بيده .. كأن اليوم ذا عيده ..

وانا يدّي على" خدّي " .. وهمّي والزمن ضدّي

وجتني بنظرة الشفقان .. تسأل ليه ذا الاحزان ..

وبيدها تمسح دموعي .. وأطفت وقتها شموعي

وتسأل من تكون [ انت .. ؟ ] ..

وردّي صار بعيوني ..

شفاتي تكتم العبرة .. ووجهي اظهر حزوني .. !


.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.netb985709c0d.jpg


.
.
.


دروب الارض 00 لكن 00
انا احس السفر ساكن00
دروب الارض 00 ما بين الاماكن 00
ولغير الارض وين بنروح 00 نسافر 00 ؟
كأن الصوت يرجع للحناجر 00
كأن الدمع00 يرجع للمحاجر 00
كأن الجرح 00 يرجع للخناجر 00
مثل كل الطيور اللي تهاجر 00
[ وترجع كل مره 00 ]


.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.netbb06b4270b.jpg



.
.
.



مراجيح .. تحمل الاطفال ..

للشمس الغاربه .. وتجيبهم

في جيوبهم خوف وفرح ..

والريح ..

تطوي عباة .. وشال ..

أمٍ سواد عيونها .. ارجوحةٍ ..

ويدينها قلبٍٍ يشد حبال ..

علمي بهم ..

والشمس خيلٍٍ هاربه ..

في الليل ويم جبال ..

والدنيا ما فيها احد

الا [ طفل ] .

[ طفل ومره ] ..

[ طفل ومره ورجال ] ...


.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.net87e100e76e.jpg




.
.
.


أنا معك .. هذا المهم ..

أنا معك ..

لا صرت أشوفك وأسمعك ..

باكر متى صار الألم .. ليل وبعاد

اتذكرك فوق الدموع .. كثر السهاد

وجهٍ أحبه .. وابتسم ..

هذا المهم .. !!


.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.netf348760949.jpg




.
.
.



وين تبدا هاالمدينه .. كل يوم ..
من رصيفٍ عاريٍٍ تحت النجوم ..
في المواني .. وحمرة عيون المسافر ..
ضحكة الصبح الجديده ..
آخر اوراق التذاكر ..
أوبعد حبر الختوم ..
وين تبدا هاالمدينه .. كل يوم ..

ودي اعرف هاالعواصم ..
وأبي ابدا من يديها ..
ودي انزع من اصابعها الخواتم ..
قبل لاسلم عليها ..
ودي تجمعني بها لحظه حميمه ..
وين تجلس هاالمدينه ..
في العماير .. ؟ .. في الدواير .. ؟ !
في الدكاكين القديمه ..
اوتحت اهدابك انتي .. !!
وابي اعرف وين تبدا هاالعيون .. وتنتهي ..
كل يوم ..؟
مدري وش سر العوصم .. والمداين .. والعيون ..
ومدري وش سر الجنون ..

انتظرتك في محطات القدوم ..
وفي مواعيد السفر ..
صك شباك التذاكر ..
وانمحى حبر الختوم ..
.. ][ وما لقيتك ][ .. !!


.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.netd63f5f58fd.jpg





.
.
.



صمت الطريق صوّت .. ينادي وهم السراب ..
دمعة غريب .. نزلت من فوق خد السحاب
مشوار العذاب طالت سكته
ياشموع الشط أنهي غربته ..


أنا نغمة حب ضيعها الوتر ..
أنا ونة قلب أتعبها [ .. السفر ] ..
أنا ناوي القرب .. ودروبي بحر ..


الفرح .. سامر مع الخلاّن
والهوى يحكي رضا الوجدان ..
والأمان .. مزروع في دروب الزمان
في قلوب العاشقين في لها مكان
وأنا في عالم النسيان ..


حتى الأمل في خاطري محروم من ضي الحنان ..


وين الهنا دلوني
أمشي له على كل الدروب ..
يكفى عنا خلوني أرتاح من هم القلوب ..


عمري قضى سوّاح .. ودي أنا أرتاح ..



.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.nete0c7d832c6.jpg



.
.
.

أفداك أنا كلي ..
عودي غصن يابس ..
لا تحرقيني اليوم ..
حر .. وسموم .. وصيف ..
إنتي إجلسي فــ ظلي .. ولا جا الشتاء يمدي
لا تجرديني اليوم .. خليني في غمدي ..
سيف الغضب ماضي .. خلي الكلام يموت ..
ووقت الغضب ماضي .. لا ترجعيه .. بصوت ..
وش كثر أنا راضي .. حبيبتي عندي ..
قولي لي يا بعدي .. يومين ماشفتك ..
يومين مالي عيون ..
محروقه أجفاني .. بشموع إحساسي
كانت دموعي فوق وجهي وانفاسي ..
وظلي على كتفك .. وراسي على زندي ..
أفداك أنا والله .. لاتسمعي رعدي
ولا يزعجك برقي ..
انا لو شكيت أحلم ..
ما به زمن نندم .. ومابه عمر للخوف ..
إنتي احفظيني فم .. ولا تحفظيني حروف ..
ولو غرقت فــ يم ..
لا تعشقي بعدي ..


.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.net95c98cecfc.jpg



.
.
.




من علم لسانى .. الكلام الغريب . .
إلين قلت : ان الحليب . . رمل . . والمرضعه ريـح
والصدر خيمة راعىٍ في الجدب ..
من علم الكذب .. لسانى ..
الرسم . . الاغانى
الطفل في الظلما ..
الحـلوى في الدكان
أو خيزران . . معلمٍ معتوه
من علّم المشدوه . . بألوان العيون
هذا الجنون . . الجنون
من علمنى الحب غير الناس . .
والكره غير الناس . .
من كدس الإحساس . . في اجفانى
وخلانى احلم . . احلم
وانا من سنين . . أنسانى
وامحى مكاتيبى ..
شوهت وجهى . . كثر ما حكيت . . ألواني
وعلى الزمان الثانى
رسمتنى . . مثل ما بغانى . .
لكن على لسانى . . بقى كل الكلام الغريب
أنا الغريب
وكل شاعرٍ في الناس .. غريب ..
وفي الارض كهف . . من نيزكٍ مجهول
لكن يعرف يقول . . يقول
كل الكلام الصعب
الحليب رمل
والمرضعه ريح
والصدر خيمة راعي في الجدب


.
.
.

[دنيا العنا]

(http://www.palestineonly.net/upload])http://www.palestineonly.net/upload/uploads/www.palestineonly.netf9770baa8f.jpg



.
.
.


للكلام فصول .. ومناجل ..
قمح .. وحمامٍ زاجل ..
وقصة وله.. ونحول ..
وباقول .. باقول ..
.
.

مشقق الأسمال .. مغبرّ ..
اجيك .. مترنح ومصفرّ .. يالمورق الزاهي ..
ما عاد بي أخضر .. وتتذكر أشباهي ..
تقول : انت فلان ؟ .. واهز راسي ..
واجمع حواسي كلها .. واضحك ..
في بالي إني أضحك .. مادري عن شفاهي !!
.
.


وللكلام أسفار ..
أوتار .. ومعازف ..
وللكلام أسفار .. جنحان وزعانف ..
وللكلام أعمار ..
مثل الزهر .. وذبول ..
وانا بقول .. بقول ..
.
.

في آخر الشاهي ورق ..
وتصب لي نفسي ..
مثل الذي في بريقك المعدن ..
من الماء .. والورق ..
اتنفس الفوح ..
واستمهل البوح .. عن حالتي ..
اسكت .. لآخر قطرةٍ في بيالتي ..
وبقول لا نزل العرق .. من جبهتي بقول ..
لا .. لانت أطرافي ..
من الرحيق الدافي .. يمدي الكلام ..
يطول .. وبقول ..
.
.

أحاكيك ..
عن كل المدى والبيد ..
أو .. ما في الشبابيك .. من المدى والبيد ..
عن شوكةٍ في الأرض .. خلقت لإ بهامي ..
أو أرض تحت الشوك .. مرتها أيامي ..
لو أدري وش يكفيك..
كلي على شفاهي
شوك .. وعطش .. ووحول
وللكلام حمول .. وقوافل ..
وارث الزمان الغافل ..
وباب على المجهول ..
بس قلي وش يرضيك .. ؟
وأنا أقول ..
وأنا أقول ..



.
.
.