ويــن الجيد منهم؟؟

[ليلان الرشيدي]

الاحبة في المجالس طاب صباحكم ومساكم..

على المعنيين بالمحاورة العاشق والهامه (او واحدا منهم) الالتزام بالبحر التزام صحيح والا سوف نطلب من ادارة المنتدى ايقافة لمدة خمسة 15 يوما.


ياسلام الله سلام اسلام ياعاشق وياهامه عقب هالغيبه،،،،

ياثنينٍ سولفوا واكثر سوالفهم غريبه في نهار غيابي

واحدٍ منهم يشب النار والثاني كلاه البرد فــ أم ارقيبه،،،،

معتصب بعمامته كنه افغاني تو ماهو وصل من بنجابي.

[عاشق الطير]

ههههههههه اجل دريت هههههههههههههههه


الله الله

شكلك ما تدري اني ترقيـت مراقب يعني اقدر اوقفك قبل توقفني هههههههههههههههه


حياك الله يا بو حـامـد

واسسسسسسسسستلـــــــــــــم


،،،،،،،،،،،،،،،،،،،،،،،،،،،

مرحـبـا باللي حضــر بعـد اختفـى تـرحيبــةٍ مـا مثلهـــا ترحيبــه
بالنيـابه عـن رفيقـي واستلمهـا يـا رفيقــي وانت ضمن اصحـابي

إيـه اشـب النـار وانـظـر بالعيـون الحمـر وارقـى ما علي اصعيبــه
وان بغــيت الصــدق يا راع اللحــون انا مدرس وانـت من طلابـي

،،،،،،،،،،،،،،،،،

ههههههههه تراي بكرة ابروح لام رقيبه

[Deom]

بدآيه محاورة جيده وقوية منك لليلآن ،
ولو تبي خدمآت التوقيف ترآنآ مآنقصر :)
بس ترا الـ15 كثيرة أرحمهم شوي

[عاشق الطير]

بدآيه محاورة جيده وقوية منك لليلآن ،
ولو تبي خدمآت التوقيف ترآنآ مآنقصر :)
بس ترا الـ15 كثيرة أرحمهم شوي


:blink::blink:

اييييييووووه جاك يامهنا ما تمنـا


هااااااالحين لو يقول ليلان ان عاشق ماجاب البيوت صصصصح على طووووول ترفع ديوم الكرت الاحمرhttp://www.tumair.com/vb/images/icons/icon9.gif

[ليلان الرشيدي]

اووووه مبروك الترفيع.

------- -------
وانت فالاختبار الاول لازلت (كويس)


اسمع:

البقاء ياللي ترحب واختصرها كل مافي وسط صدرك جيبه،،،،

صرت واقف في طريق القافله والسيف سيفي والركاب ركابي


شايفٍ نفسك!! شباب وصاحبك ياصاحبي طالع براسه شيبه،،،،

عارفٍ كل الامور ان قلت وان ماقلت صعبه تستثير اعصابي.

[عاشق الطير]

نعـم نعـم



مـا علـيّــه زود يا ليـلان اروم المستحيــــل ولا عــرفت الخيبــــه
فـ اللقـاء ما لان باسي كم حريب و كم شجـاعـن راح تحت انيـابي !

اعرف انك شايبٍ صاحي وعزمك ما يشيـب ومــا تبيـه اتصيبـــه
وفي المقابــل لا غــرابه يا بـن حامد لو تموت وموتتــك باسبــابي !

[هامة مضر]

عليه والله أكبر يا عاشق
هذا جاي متغطرس
وجايب معه لجنة انضباط - ديوم
مثل لجان الأنضباط في الأتحاد السعودي
حيلهم على النصر وهم ما يفهمون كورة

[Deom]

عطو سداح فرصه طيب !
محاوره ممتازه واصلو :)

[ليلان الرشيدي]

عدنا.....

اشوف فيه واحد يطبل (كاد المريب يقول خذوني)

لكن ديوم ابخص.


ايه هيّن واشرب الفنجال ياعاشق مع اهل الكيف والشـــــــــــريبه

صاحبك يعرف وش الصديق ابو بكر ويعرف مسيلمه ومسيلمه كذابي

اثر لواني تركتك صارت مصيبه ولواني ذبحتك فيه زود مصيبه

ماحد(ن) واثق منك لو انت بـ المسجد من الروضه الى المنبر الى المحرابي

[هامة مضر]

عليك به يا عاشق

دوى الشجرة عصنٍ منها

[عاشق الطير]

هذا جاي متغطرس
وجايب معه لجنة انضباط - ديوم


ههههههههههههه لجنة انضبااااااااط هههههه

عليك به يا عاشق

دوى الشجرة عصنٍ منها

هههههههه ابشر به ، بس انت لا تزود الهرج !!

،،،،،،،

اييييييه الله الله

ماني بكـذاب وآآبرهــن على هرجـي بفعلي دون شـك وريبـه
لا تحــرّف بالحقيقـه والحقيقـة انته وغيـرك يحسب احسابي

ادري اني لي مهـابه ينضـرب فيها المثــال ولو مالي هيبـه
كان يمـدينـي فقيــد وسبـة الموت المقـدّر من سلاح ارهابي

[ليلان الرشيدي]

لا تزكي نفسك الله يصلحك يالطيب اللي تو مايكشف خفايا طيبه

انت عاشق مانت فارس عبس والا شيخ مثل محمد الوهابي

تبتسم لي وانت تضمر شر واضح في بياض سنونك التركيبه

مير طعني وانتبه من طيرك اللي فوق كفك لا تصيبك ضربة المخلابي

[ابو حمد]

تبتسم لي وانت تضمر شر واضح في بياض سنونك التركيبه



حسبي الله على بليسك يا ابو حامد ههههههههه
من بدت المحاوره وانا متابع بصمت وماعندي نية اشوه الموضوع بردي
لكن البيت هذا عجزت اقاوم الرد والتعليق عليه
اجل طلع عاشق الطير شايب ومركب شنون تركيبه هههههههههههه
متابعين واصلوا محاورتكم الجميله,,

[ليلان الرشيدي]

حسبي الله على بليسك يا ابو حامد ههههههههه
من بدت المحاوره وانا متابع بصمت وماعندي نية اشوه الموضوع بردي
لكن البيت هذا عجزت اقاوم الرد والتعليق عليه
اجل طلع عاشق الطير شايب ومركب شنون تركيبه هههههههههههه
متابعين واصلوا محاورتكم الجميله,,


ايه يابوحمد خله يركد هو ورفيقه اللي يصفق له هههههههههههه

لكن الله يخارجنا هههههههههه

لاهنت

[عاشق الطير]

ايه هيييييين

مــانــي امهــايــط ولكــن مستعـــد اروح يــم القـــدس وآصلــي بـه
وانـت مــع نفســك ليــا منـي زهمتــك لا تجــاوب قفّـــل الأبــوابــي

تدري انْ سنـّـي يقـص العظــم حـده وانتــه اكثر واحــدن يــدري به
اخـص يا هالشـايب اللي عقـب شيّـب راح يلبـس جنـز ابو سحّـابي

ههههههههههه

[ليلان الرشيدي]

(يمقن تهايط ويمقن)فيه واحد كل مانته نايم تهذريبه

الله الله يالسنافي رحت فيها يوم روح يطحس العنابي

يبخصك من كان يعطيك الخبر من مصدره ويقوم في تسريبه

والا انا مدري عنك واثرك ولد متعودٍ يمزح مع الشيابي هههههه

شكرا عاشق- انتهى

وياليت تحطون قسم فرعي للمحاورات بدل ماتصير مع القصايد.

[Deom]

(يمقن تهايط ويمقن)فيه واحد كل مانته نايم تهذريبه





هههههههههههههههههههههههههههههههههههههههههههههههه

كفوو ليلآن ،،
سيتم توصيل طلبك للأداره ولآيهممك :)

[عاشق الطير]

الله الله

فكنـا مـــن شــرّك الله لا يعـيــد السـاعــة اللي جابتـك يا شيبــه
مانبـي نمـزح معـك وان قمت تمزح مالك الا ضربة المشعـابي
هههههههههه




ههههههههههههههههههههههههههههههههههههههه

كفوو ليلآن ،،
سيتم توصيل طلبك للأداره ولآيهممك :)




استانست ديوم ههههههههههههه اهم شي ما فيه ايقاف 15 يوم هههههههههههه


،،،،،،،،

صح لسانك يابوحـامد ولا عاد تسير على صديقي هههههههههه

[هامة مضر]

صح لسانك يابوحـامد ولا عاد تسير على صديقي هههههههههه

هههههههههههههه

وش دراك انه عندي يطالع مباراة النصر

[عاشق الطير]

وش دراك انه عندي يطالع مباراة النصر

هههههههههههههه







هههههههههه سر المهنـة

اهم شي لا تتهموني بالسحر ؟؟

[ليلان الرشيدي]

شكرا لجميع من تابعنا


وخاصة :
ابوحمد-ديوم -هامة مضر شكرا لتفاعلكم.

وانت ياعاشق انتبه لنفسك ههههه

تحياتي وتقديري

[ابو حمد]

الله يعطيكم العافيه ماقصرتوا يا شعارناالاعزاء ،،
بالنسبه لاقتراحك يا ابو حامد جميل ويساعد على منح فرصه اكبر للمحاوره في البروز والمتابعه
لكن بيكون فيه مضرة على باقي المجلس والقصايد الي تطرح فيه.
المفترض وهذا من صالح المتحاورين انهما لا يتعرضان لما يفسد عليهما سير المحاوره من الردود والتعليقات اثناء اللعب ..
بعد اعلان نهاية المحاوره تأتي الردود لشكر الشاعرين..
بارك الله فيكم وسلمكم الله،،

[عاشق الطير]

شكرا لجميع من تابعنا


وخاصة :
ابوحمد-ديوم -هامة مضر شكرا لتفاعلكم.

وانت ياعاشق انتبه لنفسك ههههه

تحياتي وتقديري


اييييييه هيّن يالشايب

الوعد قداااااااام هههههههه

شكرا ابوحـامد





المفترض وهذا من صالح المتحاورين انهما لا يتعرضان لما يفسد عليهما سير المحاوره من الردود والتعليقات اثناء اللعب ..




اختلف معك يابوحمـد ، التعليقـات اثنـاء المحـاورة افضل ، لأن اللي يبي يعلق يكون داخل جو المحاورة ،

فيه الكثير من المحاورات تنتهي بدون تعليقـات سواء اثناء او بعـد المحاورة ،

شكرا لك يا بوحـمــد

[ابو حمد]

دام هذي وجهة نظرك يا الشاعر اجل انت ادرى وابخص
والله يعينكم على ما يجيكم من تعليقات هههههههه