تعـــال ابوفايز

[ليلان الرشيدي]

مرحبا بالجميع وتقبل الله منا ومنكم الصيام والقيام..


سلامي سلام بريحة العود ماهو قاز&&&على الشاعر اللي كل ساعة يناديني

يقولون ابو فايز وانا قول كانه فاز&&&على شان فرق السن من بينه وبيني

[ابوفايز]

سلامك وصل مع ريحة العود مايعتاز = عليك التحايا تاصلك بالملايين
تدور لعود عن طروق الهوى قدجاز == علامك تحلل في قيود الشياطين

[عاشق الطير]

ابدااااااااااااااااااااع

والله

ابدااااااااااااااااااع


واصلووووووووووووا

[ليلان الرشيدي]

وصل عمرك التسعين ماجبتلك معكاز&&&عجز عنك ساهر يرصدك ماهو ممديني

انا مابغيت احل لك قيد والا احجاز&&&ورى ياطــويل العمرشـــــــــــكيت من حيني

[ابوفايز]

انا عارفك ضاري على الغطو والالغاز== تظاهر على الاجواد بالعقل والدين
يقول المثل لاجعت عط خبزك الخباز == ترى كشف ساهر مايجيب ابوتسعين

[ليلان الرشيدي]

عسى اللّه يرحمنا ويرحمك يابن باز&&&وعسى اللّه يرحم شيخنا ابن عثيميني

ترانا درسنا الدين وأهل نفوس اعزاز&&&لــو انّا رعينا فـ الغنم والبــعاريني

[ابوفايز]

ترى القاز لو رافق هل الدين يبقى قاز== لو انه نزل من مدة فالبلادين
وكم من غشيم مافرق حرها والباز == يروح يترززمع قنوص السلاطين

[هامة مضر]

عفيه عليكم
عطه يبو فايز
وان احتجت عندك الوهبي ما يقصذ

[ليلان الرشيدي]

يازينك يازين الصوره اللي لــها برواز&&&لوانك تكرر بالصور والعناويني

شربنا من الصافي مانشرب من المنحاز&&&رياضي ولكن مانت قادر تباريني

[ابوفايز]

كفو يادريول مير جنب عن المغراز !!! تعين ترى الشياب غير الوراعين
ياكم من سقيم عن دروب الغوى ماجاز !!!كبير وعقله دون عقل البزارين

[ليلان الرشيدي]

ماقصرت يالشايب وهذا تراه انجاز&&&انا خايفٍ بكره على اخوك تشكيني

يبا يكشفك في لجنته (صالح القمباز)&&&على شان والله بعدها ماتدانيني

انتهى :

ماقصرت يابوفايز والمحاورة معك جميلة لأنك شاعر جميل. علم هامة مضر!!!!

تحياتي

[ابوفايز]

ليامن بغيت الطيب روح على قزاز = ولاتقرب البسطات والا الدكاكين
وشغل الوكالة غير عن ورشة الخراز = ترى فيني من الهم ماهو مكفيني

[هامة مضر]

يعطيكم الف عافيه
يابو فايز فزعتا لك ورفيقك الزعيقي كنه ما يوحيك
بيض الله وجيهكم

[ابوفايز]

الوهبي لاهي في المسابقات
جالس يشارك في مسابقات القنوات والمنتديات يبي يبيع البيوك ويشري سيارة
واكثر شئ يناظر منتدى الزعيم ولذلك تخلى عني حتى انه عازمني على فطور في رمضان وهون
وشلون وياسر راح وحالته حاله