وين الدركتر ؟

[هامة مضر]

وين الدركتر ليت منهو يشده
وان كان به حيلٍ فـ ليته يشده
يـ ليت الدركتر لو تكرم يرد الصوت

[الدركتر]

الدركتر يرحب بالجميع ،


هذي تراها امن الأمور البسيـطة
نشوفهــا بالضبط فـوق البسيـطة

الا يا منادينـا تشهّـد لفاك المـوت

[هامة مضر]

ترا الدركتر عندنا صار معروف
ما فيه لا خيرٍ ولا فيه معروف
اشوف السمك قام يتطامر بوجه الحوت

[الدركتر]

ما عندي الا الشـر والخير معـدوم
شفنـاك ليل وتصبح الصبح معدوم

ابثبـت الكـورة على خصمنا وآشوت

[هامة مضر]

ما عندنا لمقرد الخلق خانه
خل الدركتر وقته اليوم خانه

هذا زمان فيه زره وريموت

[الدركتر]

لا يالخليل اللي يبى ايخون خله
هات الجزيل وطامن الهرج خله

عيونك حمـر ذالليل شكلك مكثر توت ؟؟؟؟

[هامة مضر]

وش جبت وش وديت من خير يا لطير
والله لونك عندنا عاشق الطير

والله لـ احطك وسط حفره وتابوت

[الدركتر]

اقول لا يسمعك وايجيك طاير
من الفـرح تلقاه ذلحين طاير

نبي نسافر وانتمشـى ببـيروت

تخاويني ؟؟؟؟؟؟؟

[هامة مضر]

شفت الدركتر عندنا شد حيله
ما فيه تدبيرٍ ولا فيه حيله

ليته ورا الأحسا على شط تاروت

[الدركتر]

ترى الدركتر شرس والقلب طيب
وليا طلبك اتسامحـه قول طيـب

خليتهـا ما بين بقـسٍ وشلّـوت هههههههه

[هامة مضر]

الظاهر انك قمت تمشي على الغاز
صارت حياتك كلها اسرار والغاز

تلقا مع الشلات ببسي وبسكوت

تصبح على خير

[الدركتر]

أنا اعرف المضمون جله ودقه
ياللي عطيت اخوك بالهرج دقه


هذي بخليهــا على شانك اتفوت



وانت من اهل الخير

[ابو حمد]

هههههههههههههههههههههههههههههههههههههههههههههههههه هههههههههه
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههه

حسبي الله على ابليسك انت وياه
ماربطت شياطينكم في رمضان؟؟
متى قامت هالرديه ومتى انتهت؟؟
الله لو انها شرب بياله كان لحقنا على تاليها
بغيت اقطع صيامي من الضحك على هالسجال الخفيف والكوميدي بينكم
عز الله ان شعارنا مافيهم حيله
دواهم انك تجنبهم لا تزعلهم ولا تاقف في وجيههم ماعندهم الا الاعدام ههههههههههه
ونستونا عقب صلاة الفجر الله يونسكم بالعافيه
يالله يالدركتر باكر دور ابو فايز وعطه ماعندك ولا ترحمه تراه يقرض الشعر قرض القرص اليابس,,

[عاشق الطير]

هههههههههههههه


صحت السنتهـم


ابو حمـد هذولا حتـى اول العيد بتلقاهم مسوين محاورة هنا وقل ماقاله عاشق

ههههههههههههههه


اما ابو فايز لازم يشاركنا بهالمداعبات لو مره وحده


شكرا للجمـيـــــع