هامة مضر الدعوى خربانه !!!

[عاشق الطير]

هامة مضر هلحين لا تقول بعدين
تعــال قبــل ايربطــن الشيـاطيــن
دام الحرارة جـاوزت حد خسميـن

هذا الصحيح وقولوا اللي تقولون


هذا اغسطس ذروة الحر بالصيف
اربع طعش ساعة وشمسه حريقة

[هامة مضر]

يامرحبا ياصاحبي عاشق الطير
كل رمضانٍ وانت والربع في خير
في منتدى الابداع مجالس تمير

هذا الصحيح وقولوا اللي تقولون
لو الصيام يصرفونه على الكيف
والله لـ ادور حل بـ ايت طريقه

[عاشق الطير]

ههههه


وأنتم بخيـر وربعنـا وأصـدقـانا
وخواتنـا في المنتـدى واخويـانا
والله يصبـــرنا علـى ما دهــانا

هذا الصحيح وقولوا اللي تقولون


هذا قدر من صرف الكون تصريف
مالـك وسيلـة كـان تبغـى الحقيقــة

[هامة مضر]

العالم الله صومنا فيه ترقيع
شمس على ماقيل تشوي الجرابيع
ما عندنا فرصه ولا فيه ترجيع
هذا الصحيح وقولوا اللي تقولون

نبي نهدّف صوم الأيام تهديف
والله يستر لا يجي ما يعيقه

[عاشق الطير]

ياخوك شمسٍ يا عسى ربك ايعيـن
من حـرها ذابـت ظهـور البعــارين
وشلـون حنا يالضعوف المساكين

هذا الصحيح وقولوا اللي تقولون

بكرة مع الكتمة تقـل السواليـف
وكلن من الاهوال تسمع شهيقـه

[هامة مضر]

وش حيلتك ياعاشق منفض الريش
لاجا الضحى ثم انطفن الكناديش
ما عاد ينفع لو ترش الدشاديش
هذا الصحيح وقولوا اللي تقولون
لانش جسمك وظهرن الغضاريف
ما سر شرب الشوربه والسليقه

[عاشق الطير]

هههههه

اليا انقطع ياخوك مانيـب محتار
بإذن الله إنه من قويـات الأعذار
بفطـر ورب الكون راحم وغفار !!

هذا الصحيح وقولوا اللي تقولون

هذا وانا يا صاحبي جسمي انحيف
والصبـر صعب بوقتهـا ما أطيقه

[هامة مضر]

مانيب في مركز فتيحي وقزاز
والا انتظر دوري على باب خباز
يوم انت تتركني وتلهي ف الالغاز
هذا الصحيح وقولوا اللي تقولون
الطبع هذا خابره مع هل السيف
اللي ليامن راح ينسى رفيقه

[عاشق الطير]

هههههههههههههههههه


ياصاحبي والله ماني بنـاسيـــك
مانيب جيزاني يعكس المساليك
لكـن نخاف إنا نغـثّـك ونلهيـك

هذا الصحيح وقوولوا اللي تقولون


ماني مضريهـا على الغش والزيف
امشي على درب السلوم العريقة

[قلب الاسد]

ودي اشارك معكم بس ماني شاعر
ولا لي بخص في الغنم والاباعر
ومعكم طريقي بالحيل واعر
هذا الصحيح وقولوا اللي تقولون
يسلم عليكم نواف اخو منيف
لقيته في الصمان شاب بريقه

[تحدوهـ البشر]

هههههههههههههههه كنت منسجم وعلى دخله قلب الاسد كني راقي جدار


انصدمت بالحقيقة ان قلب الاسد شاعر


عاشق او المضري ياليت تصيدون قلب الاسد لاينحااااااااااااش

[قلب الاسد]

هههههههههههههههه كنت منسجم وعلى دخله قلب الاسد كني راقي جدار


انصدمت بالحقيقة ان قلب الاسد شاعر


عاشق او المضري ياليت تصيدون قلب الاسد لاينحااااااااااااش
سلامتك من الصدمه
هههههههههههههه
اقول تحدوه لاتوهقنا تراها زلة لسان
مدري قريحه ..!!!
والا انا منيب شاعر ولايحزنون مجرد نوبه شعريه جتني وراحت :crazy:

[هامة مضر]

سلامتك من الصدمه
هههههههههههههه
اقول تحدوه لاتوهقنا تراها زلة لسان
مدري قريحه ..!!!
والا انا منيب شاعر ولايحزنون مجرد نوبه شعريه جتني وراحت :crazy:


اللي جاب هالنوبه يجيب غيرها

عطنا عمرك يالنابغه
انت عالمي اي شي تقوله بنقول صح لسانك

[تحدوهـ البشر]

قلب الاسد انا بديت اشك ان شيطان الشعر تبعك رجع بالسلامة وشكلك ناوي تستلم الشعراء واحد واحد ادري فيك مايردك احد وطالما انك نصراوي ومن كبار جماهير العالمي ابشر بمن يقول صح لسانك ويمدحك ههههههههه

[الفوزان التميمي]

هههههههههههههههههههههههه


صدناك يا قلب الاسد قايلين لك شاعر وصوت زين

اسمع كلام الربع وعليك ب الرابطه ههههههه