ياكثر ماســـجيت

[ليلان الرشيدي]

الاحبة في مجالس تمير ..........................تحية عطرة للجميع


هذا جديدي:

ياكثر ماســجيت



الله علـى بــرٍ فيـــاضــــه مـزاهيــر .. يعــج به ريــح النفــل والخــزامى

لذعذع النسنـاس في حــزة عصيـر .. تشـوف به روس النبــات يتوامى

صياهـده مـا تشــوفهــا بـالنواظيــر .. اقصى خرايمهـا طعـوسٍ تـزامـى

تحت الشعاع العصر مثل السواطير .. اطـرافهــن قـــدام عينـــك ترامـى

كم هيضن مافي ضمــاير شواعيـر .. وكم دونهـن فاحت صدورً فحـامى

البـــر لـه فـي داخلــي طابــعٍ غيـر .. مـا عــاد ادور غيـــر لامـاه لامــا

ادوج بـه وارتــاح مـن كـل تفكيــر .. خــصٍ ليــا صار اخويـايه نشامى

مـالـي ومــال مجمعيـــن الدنـانيــر .. اهل الهمــر والرنـج والبنــورامـا

ياكثــر ماسجيـت رجلــي مشــاوير .. وياما بذلت الجهــد يـامـا ويـامــا

اسعـــى ورى ما يكتبــن المقــادير .. والعلــم عنــد اللي بعرشه تسامى

ما قيّشت عنــدي دعاية مشاهيـــر .. لـو اني اكثــر شهــرةٍ من اوباما


ليلان الرشيدي

[تحدوهـ البشر]

البر له في داخلي طابعٍ غير = ماعاد ادور غير لاماه لاما

ادوج به وارتاح من كل تفكير=خصٍ ليا صار اخويايه نشامى.


من طول الغيبات جاب الغنايم ,,,, صح لسانك وابيات حلوة وبنتظار المزيد من جديدك الرائع

[عاشق الطير]

أهـلا هـلا ليـلان مسيــك بالخيـر ... لـك الوفــا والقــدر والاحتــرامـا
ذكـرتنـي للبــر مـع نقـلة الطيـــر ... ما باقـي الا ابكــي علـي الحراما ههههه
ادبـر زمنهــا بالليـــال المـدابيــر ... والحيـن مـا للبــر عندي اهتماما
ماغير هذا الوقت عج ومعاصير ... وحر وسموم وفي سمانا عساما
.................................................. ..................................




حيّ الله اخوي الشاعر المبدع ليـلان الرشيـدي من بعـد هالغيبــة ،

والله انك على بالي هاليوميــن ، ابجـدد ذكـرى العــام ههههههههههه

اطلالة رائعة منك اخوي ليلان ، ذكـرتنـا فيهـا للبـر والبرد والربيع آآآآآآه بس آآآه

الله يصبـرنا للمـوسم الجـاي ، والله يجيـب الخيـر وتربع الديار ..

شكرا يا ليلان ولا تطول الغيبــات ياصـاحبي ..

[ابو حمد]

حي الله ابو حامد ومرحبا الف بالساعة الي شفناك فيها,,
قصيده تهيض راعي البر يا ابو حامد ما بكرت في نظمها قبل شهرين كان الواحد يلقى ما يطفي حرته مع ابيات القصيده,,
صح لسانك وفالك الطيب,,

[الفوزان التميمي]

الحمدالله علئ السلامه اخوي ليلان

صح لسانك قصيده رائعه من شاعرنا الغالي

بنتظار جديدك .

[Deom]

صح لسآنكك اخوي :)

/

[عزام الخريف]

الله عليك يابو حامد
صح لسانك ولا عدمنا هالحضور
مبدع ولا يختلف عليك اثنان
اسعى ورا مايكتبن المقادير = والعلم عند اللي بعرشه تسامى


ماقيّشت عندي دعاية مشاهير = لو اني اكثر شهرةٍ من اوباما


هههههه الله يكرمك عن اوباما

[ليلان الرشيدي]

البر له في داخلي طابعٍ غير = ماعاد ادور غير لاماه لاما

ادوج به وارتاح من كل تفكير=خصٍ ليا صار اخويايه نشامى.


من طول الغيبات جاب الغنايم ,,,, صح لسانك وابيات حلوة وبنتظار المزيد من جديدك الرائع


هلا والله تحدوه البشر


وابشر بالغنايم صح ربي بدنك لاهنت يابعدي.

[ليلان الرشيدي]

أهـلا هـلا ليـلان مسيــك بالخيـر ... لـك الوفــا والقــدر والاحتــرامـا
ذكـرتنـي للبــر مـع نقـلة الطيـــر ... ما باقـي الا ابكــي علـي الحراما ههههه
ادبـر زمنهــا بالليـــال المـدابيــر ... والحيـن مـا للبــر عندي اهتماما
ماغير هذا الوقت عج ومعاصير ... وحر وسموم وفي سمانا عساما
.................................................. ..................................




حيّ الله اخوي الشاعر المبدع ليـلان الرشيـدي من بعـد هالغيبــة ،

والله انك على بالي هاليوميــن ، ابجـدد ذكـرى العــام ههههههههههه

اطلالة رائعة منك اخوي ليلان ، ذكـرتنـا فيهـا للبـر والبرد والربيع آآآآآآه بس آآآه

الله يصبـرنا للمـوسم الجـاي ، والله يجيـب الخيـر وتربع الديار ..

شكرا يا ليلان ولا تطول الغيبــات ياصـاحبي ..


هلا وغلا بالشاعر والمشرف والصقار (وكُلّها)

شكرا شكرا عل هـ التجاوب معي في هـ الابيات.بس ليتك نسقت القصيدة لي انا نسقتها وبعد اعتمادها خربت الدعوى..
لك ودي وتحياتي

[ليلان الرشيدي]

حي الله ابو حامد ومرحبا الف بالساعة الي شفناك فيها,,
قصيده تهيض راعي البر يا ابو حامد ما بكرت في نظمها قبل شهرين كان الواحد يلقى ما يطفي حرته مع ابيات القصيده,,
صح لسانك وفالك الطيب,,


الله يحييك يابعد حيي يابوحمد

ويامرحبا بك اكثر واكثر .

والله أنها صار لها ايام مير نقول لعل وعسى يزين الجو بنهيض الربع بهالابيات؛ والجو صار متقلب الله يعين.

عموما صح ربي بدنك وفالك الخير.

تقديري

[ليلان الرشيدي]

الحمدالله علئ السلامه اخوي ليلان

صح لسانك قصيده رائعه من شاعرنا الغالي

بنتظار جديدك .


الله يسلمك ياخوي فوزان.

صح الله بدنك الاروع من ذلك اطلاعك ووجودك هنا لاهنت.

[ليلان الرشيدي]

صح لسآنكك اخوي :)

/

هلا ديوم

صح بدنك.

[ليلان الرشيدي]

الله عليك يابو حامد
صح لسانك ولا عدمنا هالحضور
مبدع ولا يختلف عليك اثنان
اسعى ورا مايكتبن المقادير = والعلم عند اللي بعرشه تسامى


ماقيّشت عندي دعاية مشاهير = لو اني اكثر شهرةٍ من اوباما


هههههه الله يكرمك عن اوباما

صح ربي بدنك يابوعبدالله وكثر الله خيرك على هـ الاطراء

اتمنى ان ماكتبته اعجبك؟



والله يكرمنا وياك عن اوباما ويكرم السامعين والقراء.

لك تحياتي وتقديري

[ابوفايز]

وانا أشوفك تشخص أحسبك نسيت البر لكن مادامك كذا. خل البراري عنك وارتاح بتمير. تحت المكيف في براد وسلاما. ودك بشوف المترفات الغنادير والا بحزم فيه راسك توامى* واقبل تحيات محبك

[عاشق الطير]

خل البراري عنك وارتاح بتمير. تحت المكيف في براد وسلاما. ودك بشوف المترفات الغنادير والا بحزم فيه راسك توامى* واقبل تحيات محبك


هههههههههههه

الله الله صح لسانك

منت بسهل يابوفايز اثريك شاعر

تحياتي لك ولا تقاطع المجلس

[ابوفايز]

هههههههههههه

الله الله صح لسانك

منت بسهل يابوفايز اثريك شاعر

تحياتي لك ولا تقاطع المجلس

سلامة عمرك وياصعب كلمة شاعر بس شفت هالبدوي وعارف انه حبيب وعاقل مارايح يسبني قلت أبا اتعود فيه مادامه نايم واذا قام توزيت