رساله إلى المعني

[شاعر المناطق]

( منشان صوره)

الـــغــــرب رواده خــــذو كـــم دوره

وصبح لهم سطح القمر شبه مسكان

هــذا بــعـــد هــذاك يـمــشـي يـزوره

وحــنــا مــكـانـك سـر بـاقـيـن لـلآن

(نـاسـا)خـذت كـم عينه من صخوره

تـدرس مـناخـه فوق بسلوب وتقان

وحـنا على الوضع القديم وعصوره

الـعـرص سّـدة وسفل الصنع خربان

الـشـاطـر اللـي يكشت بروض نورة

ويـشـب شـاهـيـه عـلـى كسر عودان

اقـصـى طـمـوحـه ويـن ياكـل فطوره

مــرتــب الــطـلـعـه مـع فـلان وفـلان

يـــدور الـــصـــده وذا مـــن دبـــوره

اثـر الـهـمـل مـوجود في عالم انسان

ويـن الـرفـيـق اللـي نـراعـي شعـوره

حـيـثـه يـقـدر حـيـل او قــدر الامـكـان

مــحــتـاج لـه والـيـوم بـاخـذ بـشـوره

مـالـي غـنـاة(ن)عـنـه والـحـال تـعـبان

قـــالـــو تـــوفــى مــابــقـى الا بــزوره

والـمـشكـله صـارو عـلى بعـض عدوان

مـتـهـاوشـيـن(ن)امـس مـنـشان صوره

شــفــهــا قــبـل تـلـف مـع خـط حـثلان

فــي الــمــنـتـدى مـع الاسـف قـام ثـوره

مـــافـــيـــه عـــقــال(ن)يــردون بــزران

شاعرالمناطق/أحمد المانع
السبت 1432/5/12هـ

[الفوزان التميمي]

صح لسانك يابومحمد قصيده جزله من شاعر جزل

صدقت يابومحمد

مـتـهـاوشـيـن(ن)امـس مـنـشان صوره

شــفــهــا قــبـل تـلـف مـع خـط حـثلان

فــي الــمــنـتـدى مـع الاسـف قـام ثـوره

مـــافـــيـــه عـــقــال(ن)يــردون بــزران

صح لسانك يا الغالي

[ابو حمد]

صح لسانك يا ابو محمد على القصيده المعبره,,
بالفعل في كل ثانيه يزداد الفارق بين الغرب وسعيهم للتفكير والتجديد في ما يفيدهم من علوم دنيويه
بينما نحن لازال هاجس معظمنا الا من رحم الله مجرد التخطيط لسفرة خارجيه او كشتة بريه وما حول
تلك الاماني التي جعلتنا نراوح في نفس المكان,,

[عاشق الطير]

صح لسانك وعلا شانك ياشاعر المناطق

ذكرتني قول الشاعر حمود الرشيدي

الغرب يصنع طايرات وصواريخ .. والشرق الاوسط ضاع نفطه بلاشي
حطو لهم في صفحة العلم تاريخ .. وحنـــا بمــاضينــا نعيـــد النقــــاشي

والمعنـى وإن كان يعني في لفظه مايعنـي ، فإنه أيضاً ينـطبق على بعض الناس ، الذين أصبح تفكيرهم وشغلهم الشاغل ، إشغال الناس في أمور لا مصلحة منها ولا داعي لهــا .

..............

عافاك المولى

وشكرا لك على هذا الحضور الشاعري الرائع ..

[أحساس]

يعطيك العافيه ماقصرت

[Deom]

ماشاءالله قصيدة رآئعه منك أخي الكريم..!
لاهنت..والله يرحم الحال