هلا في تمير دار الخير

[عزام الخريف]

ابيات ترحيبه القيتها في منزل الشيخ / ابراهيم السلطان
بمناسبة تشريف الاستاذ الدكتور / على بن سليمان العطيه نائب وزير التعليم العالي
لحفل جائزة التفوق العلمي 0

باسم راعي الجمايل طيب المبدأ حكيم الشور
0000000000 ابو عبدالله اللي رايتة بالطيب معليها

باسم من حط له في قمة العليا مجال ودور
000000000 ببصماتن ووقفاتن ندونها ونرويها

نرحب با العطيه عد ما يشرق شعاع النور
00000000 هلا يامرحبا ترحيبة ٍ بالمسك نهديها

تراحيب المطر لا هل في روض وغدا ممطور
00000000 معه ريح الخزامى والنفل فاحت فاراضيها

تباشرنا بشوفك واسفهل القلب يادكتور
00000000 تمير اليوم من زود الفرح باحت قوافيها

نظمت حروفها نظم الدرر من عقده المنثور
00000000 تزين جيدها به يوم قالوا وصل غاليها

تفرع لك من الفرحه وتنثر في الطريق زهور
00000000 تقول ارحب تراحيب ٍ أكررها وأثنّيها

وغنا الطير في عالي سماها هايم ومسرور
0000000 ترنم باللحون اللي من الفرحه يغنيها

ترى تشريفكم تاريخ لو مرت عليه عصور
000000 يدون في سجل تمير حاضرها وماضيها

يجملنا ونفخربه ولا فالحاضرين قصور
0000000 تشرفنا الرجال اللي سمعنا زين طاريها

هلا في تمير دار الخير يوم ان الدعاوي فقور
0000000 رجال تكرم العاني ورب الكون معطيها

بفضل الله في امن وامان وحالنا مستور
0000000 عسى ربي يديم ملوكنا والله يجازيها

ذرانا يوم كلا ًفي بلاده ولع الدافور
000000000 وحنا ندعي ألهم فاول الدنيا وتاليها

نشوف اللي حصل في هالدول ذبح ومسارح جور
00000000 عقول ٍ بالفتن عميا عسى ربي يقديها

فتن بين العرب قامت وتمشي بينهم بالدور
00000000 وهي حرب ٍعلى الاسلام معروفه خوافيها

عسى الفتنه وراعيها ومن يسعى لها مدحور
00000000 وعسى الله يحفظ بلاد السعوديه ويحميها

من تمير الكرم كلمه كتبناها بدون سطور
000000000 شعار نرفعه في وجه من ينوي يعاديها

نعاهد خادم البيتين ابو متعب على الدستور
00000000000 وحنا تحت رايتهم نموت ولا نخليها

[المارد]

مشكوووووور والله يعطيك الف عافيه

[ابو حمد]

صح لسانك يا ابو عبدالله
وجزاء الله خير الشيخ ابراهيم السلطان على ما يقدم لديرته تمير
في مختلف المجالات التنمويه والخيريه

عسى الفتنه وراعيها ومن يسعى لها مدحور
00000000 وعسى الله يحفظ بلاد السعوديه ويحميها

الله يكفينا شر الفتنه ومن يسعى لها ويدحره في نفسه يا كريم

[عزام الخريف]

صحت ابدانكم
واشكركم على جميل حضوركم ابو حمد والمارد

[احساس شاعر]

صح لسانك عزام
والجميل في شعرك انك تعبر بدون الضغط على الضيف وشعرك عام وفية صور تتحدث عن جهود وفعال رجال اوفياء بارك الله فيك

[الموسيقار]

صح لسانك شاعرنا الغالي

قصيده جزله ويستاهل العطيه والحضور

[قلب المنتدى]

صح لسانك ياعزام
لا هنت ولاهان نبضك
ومن قالت فيه القصيدة يستاهل المدح
ولا يهون من حضر
وعسى الله يحفظ بلادنا من كل شر ومكيدة
يعطيك العافية

[ولد الديرة]

بيض الله وجهك ابو عبدالله على هالقصيدة
والله يدوم علينا نعمة الامن والامان

[عاشق الطير]

صح لسانك يابوعبدالله على هذه القصيدة الجزله

وبيض الله وجهك عزالله انك ماقصرت

قصيدة مزجت بين الترحيب في الضيف

وتجديد الولاء لولي الأمر ..

شكرا لك على هذا الحضور الرائع ..

دمت مبدعا ..

[عجزت أنساك]

صح لسانك
قصيده روعه

[تحدوهـ البشر]

صح لسانك يابوعبدالله على القصيدة الرووووووووعة

ابيات تهتز لها الوجدان لما فيها من معاني ووطنية وولاء

ويكفي هذا البيت

نعاهد خادم البيتين ابو متعب على الدستور
00000000000 وحنا تحت رايتهم نموت ولا نخليها

[المرهف]

لافُضَّ فوك
شاعرٌ هو والإبداع قرينان
بوركت وبوركت القريحة
تقديري

[أبوكدش]

صح لسااانـكـ