المساعد الشخصي الرقمي

مشاهدة النسخة كاملة : اطردو المفحطين من الديرة

مواطن شريف
03-03-2009, 12:06 AM
السلام عليكم ورحمة الله وبركاته اخواني الاعضاء
تبون الصراحة شوارعنا صارت مثل حلبة المصارعه البقاء فيها للاقوى , شباب اليوم ما يركب الا اخر موديل وتلقاه مزعج خلق الله بالتفحيط 24 ساعه !!!!!!!
التفحيط يا اخوان منتشر بين شباب الديرة والشرطه معاد تلحق تضبط الامور والوضع معاد ينسكت عليه لازم تكون العقوبات شديدة بحق المفحط مثل حجز سيارته لمدة شهر واستدعاء والده لكي يوقع على تعهد بعدم تكرار التفحيط . وغرامة تكون مضاعفه للغرامه الحاليه .
كذلك المدارس ما نسمع يوم انها اقامت توعيه للشباب بمخاطر التفحيط والحوادث وعمل زيارات للمستشفيات عشان يشوفون المصابين والمرضى بسبب التهور في القيادة .
المصيبه الكبيرة ظهور فرق مختصه في التفحيط والتلاعب بالسيارة ووجدت قبول في المجتمع خصوصا في المهرجانات الصيفيه وهذا شي يشجع المراهق على التفحيط .
كان الله في عون اللي بيتهم جنب الشارع العام وبس .
c o m m e n t
03-03-2009, 12:27 AM
وأزيد عليه اللي سيارته لها صوت قوي مدري وش تسمونه يفجر الأذان حرام عليهم والله..

الله يهدي الجميع ويصلحهم..
.
.
شكرا لك أخوي ع الطرح القيم
ودِ
قلب الاسد
03-03-2009, 12:54 AM
مانقول الا الله يهديهم بس ... وشلون تطردهم ..
ولو تحجزالسياره سنه... مفحط مفحط لو يسرق له سياره أو يستأجرها ..!!
الحل بسيط جدا ولايحتاج لطردهم ...
وهو تعميم بسيط ... يكتب فيه ..
التفحيط يندرج تحت العمليات الأرهابيه ... صدقني حينها ستختفي هذه الظاهره ..!!
عين الصقر
03-03-2009, 01:14 AM
مانقول الا الله يهديهم بس ... وشلون تطردهم ..
ولو تحجزالسياره سنه... مفحط مفحط لو يسرق له سياره أو يستأجرها ..!!
الحل بسيط جدا ولايحتاج لطردهم ...
وهو تعميم بسيط ... يكتب فيه ..
التفحيط يندرج تحت العمليات الأرهابيه ... صدقني حينها ستختفي هذه الظاهره ..!!
صدقت يا قلب الاسد عيال هالجيل الله يستر فيهم انفتاح ماعاد يقدر الواحد يسيطر عليه
كل شي تحت ايديهم سيارات جوالات كمبيوترات وجميع ما يتمناه يلبى له
وللاسف الاباء لهم دور كبير في المصيبه هذي بتساهلهم مع ابنائهم وتلبية طلباتهم دون دراسة
تأثير ذلك على الابن او البنت على الامد الطويل


واستدعاء والده وش قصة الاباء اشوف ترديدها زايد عن حده الله يعين الاب يشقى ويتعب ويوجه الابن:tease: للطريق
الذي يرى انه سليم وفي الاخير هو الي ياكلها المسكين


اخوكم// عين الصقر
كنق تمير
03-03-2009, 04:21 PM
خخخخخخخخخخخ

مشاكل والله

والله يحمينا وياكم من هالمهجولين
ريرو4
04-03-2009, 12:10 AM
ما نقول الا الله يهديهم ويصلحهم

وبعدين لو وجد قانون صارم من قبل الشرطة كان ما شفت أحد يفكر يفحط

لكن شرطتنا الله يهديهم متكين قدام المركز وسواليف

مشكور أخوي مواطن شريف على طرحك الرائع
مواطن شريف
05-03-2009, 01:19 AM
وأزيد عليه اللي سيارته لها صوت قوي مدري وش تسمونه يفجر الأذان حرام عليهم والله..

الله يهدي الجميع ويصلحهم..
.
.
شكرا لك أخوي ع الطرح القيم
ودِ





فعلا فيه بزران سيارتهم مزعجه وتفقع الراس من صوت فيها مزعج مدري وش يركبون والمفروض هذا بعد يمنع ويصادرون سيارته لين يعدلها .
مشكوره اختي على مداخلتك
مواطن شريف
05-03-2009, 01:23 AM
مانقول الا الله يهديهم بس ... وشلون تطردهم ..
ولو تحجزالسياره سنه... مفحط مفحط لو يسرق له سياره أو يستأجرها ..!!
الحل بسيط جدا ولايحتاج لطردهم ...
وهو تعميم بسيط ... يكتب فيه ..
التفحيط يندرج تحت العمليات الأرهابيه ... صدقني حينها ستختفي هذه الظاهره ..!!


انت تقوله تمزح ؟ فعلا التفحيط عمل ارهابي مهوب يروع الامنين في بيوتهم ويخوف الاطفال ؟
انا اطالب بالتشهير بهم وجلدهم في السوق قدام الناس عشان الواحد منهم يستحي على وجهه
مشكور قلب الاسد على مداخلتك
سعود
05-03-2009, 11:23 PM
صحيح مشكله بس اعتقد ان الشرطه هي السبب ,,,,الله يهدي ويصلح احوال شبابنا ,,,,
ولد الديرة
06-03-2009, 12:17 AM
ادعولهم بالهداية
عين الذيب
06-03-2009, 03:22 PM
قبل ان نشوف المفحطين واسباب التفحيط
ياليت نشوف شرطة تمير اللي مايعرفون النظام
كيف يطبقونه على غيرهم !!!
اما المفحطين فهم صغار سن جتهم سيارات على طبق من ذهب ودون متابعه
من والديهم ولو تقول لابوه ترى ولدك يفحط قال وانت وش دخلك !!
الله يهدي الجميع
تحدوهـ البشر
10-03-2009, 12:44 AM
الله يهديهم ويصلحهم ان شالله
al-badr
11-03-2009, 06:54 PM
اذا شفت اللي يفحط كب في دربه مسامير خله ينقلب وترتاح من شره وما عاد يتعودها



ما اقول الا الله يهدي الأباء الذين يقدمون لابنائهم كل ما يريدون دون رقيب او حسيب


اما بالنسبه للشرطه اللي وجودها مثل عدمها فلا تعليق