عزام في أروقة دبي

[فهد المفرج]

الحمد لله على السلامه يا ابو عبدالله


عزام وسط دبي قل لي وش لقيت = يومك تمشى بالمره و عيالها
يبكي عليك حليس و الا ما دريت = و العشه اللي مجلسك بظلالها

[عزام الخريف]

الله يسلمك يابو مشهور

انا اشهد اني شفت يوم اني عنيت
000000 الشوفه اللي ما يغرك حالها
وحليس جيته والله العالم بكيت
00000 فالعشه اللي كل عصر قبالها

[فهد المفرج]

ما بعت في سوق السمك و الا شريت = و الا حفرت البير مع دلالها
ابشرك زرت الحرم طفت و سعيت = و اللي يبي مكه يدل جبالها

[ابو حمد]

سوف يتم حذف اي مشاركه قبل نهاية المساجله بين الشاعرين للحفاظ على جمال وسلاسة الموضوع

[عزام الخريف]

ان كان لك فالسوق مقيال ومبيت
00000000 انا تركت الدله وفنجالها
اليوم في مكه وباكر في الكويت
0000000 لا ياخسارة عمرتك بلحالها

[فهد المفرج]

ما اظلمك لا والله و لكن ما هقيت = انك تخليها على موالها
انا استحي و الا انت اظنك ما استحيت = نزلت ( ...... ) قبل ( .......... )

[عزام الخريف]

وش جاك يالشاعر عن اليمه حديت
00000000 الله يكرم لحيتي واسبالها
ياليتهم ناموا هذاك اليوم ليت
0000000 خل الدقاقه والتفت فاجلالها

[فهد المفرج]

من جنيف


وطيت لك جمره يا ليتك ما وطيت = و الارض تحتك زلزلت زلزالها
ليتك بلعت العافيه و الا سريت = سوق الجمال الجرب يا جمالها

[عزام الخريف]

من الجنيفي

وشفيك يوم انك عن الديره جليت
0000000 جبت العلوم الاوله وهبالها
يالله عسى منتب من (0000 ) رويت
00000 ذنوب خلق الله على من شالها

[فهد المفرج]

ما نــــــــي مطولها معك خـــذ ( kombleet )

حـــــــاضر بحـاضر و العشـــــــــــــر بامثــــالها

dairkt from my hed not tranzeet

fuck of ترجـمها وحــــــــــــــــــــــل اشكـــــالها

[عزام الخريف]

ما قلت لك يا مضيع ٍ بيتك غديت
000000 البنت تبكي من فعل رجالها
انا احسب انك رحت مكه واهتديت
00000000 بعض العرب ما ودنا بجدالها

[فهد المفرج]

اشغلتني عنـــد المره خــــذت و عطيت

اتــــــــرك بنات الناس و ارفــــع جالها

هي ما شكت لك و انت بالهرج اعتديت

الـــــــزم حــــدودك لا تزيـــــد اشعالها